Anuncio. Plan especial de dotacións para equipamento en solo rústico. Aprobación inicial.
A Xunta de Goberno Local, en sesión ordinaria que tivo lugar o 23 de abril de 2012, aprobou inicialmente o Plan especial de dotacións en solo rústico, cuxo obxectivo é a regularización e ampliación das instalacións da Asociación de Pais de Discapacitados Psíquicos de Bergantiños (Aspaber), situadas no lugar da Brea, Carballo. O plan foi redactado polos arquitectos José Manuel Vilariño García e Estrella Escudero Lastra e promovido pola propia asociación Aspaber.
O que se somete a información pública, xunto co informe de sustentabilidade ambiental (ISA), durante o prazo de dous meses, mediante anuncio que se publicará no Diario Oficial de Galicia e en dous dos xornais de maior difusión na provincia, dándolle audiencia aos municipios límitrofes durante o mesmo prazo. Ao mesmo tempo sométese o documento de referencia a información e ás consultas previstas nel.
O expediente completo poderase consultar na Oficina Técnica Municipal das 10.00 ás 13.00 horas, para os efectos oportunos.
Carballo, 9 de maio de 2012.
Evencio Ferrero Rodríguez
Alcalde