En sesión que tivo lugar o día 21 de maio de 2012 reuniuse o tribunal designado pola Orde do 21 de outubro de 2011 para cualificar o proceso selectivo para o ingreso no corpo superior da Administración da Xunta de Galicia, subgrupo A1, escala de letrados. Na dita sesión o tribunal acordou, de conformidade coa base IV.2 da convocatoria, facer pública a relación de aspirantes que superaron o proceso selectivo, que son as que se relacionan no anexo, por orde de puntuacións acadadas e con indicación do seu documento nacional de identidade.

A partir do día seguinte ao da publicación no DOG da relación de aprobadas, estas disporán dun prazo de vinte (20) días naturais para a presentación da documentación prevista nas letras A), B), C) e D) da mencionada base IV.2 da convocatoria.

Así mesmo, conforme esta base, o tribunal acordou elevar a dita relación á persoa titular da Dirección Xeral de Función Pública para que elabore a proposta de nomeamento.

Santiago de Compostela, 21 de maio de 2012.

Rafael Álvaro Millán Calenti
Presidente do tribunal

ANEXO
Relación de aspirantes que superaron o proceso selectivo para o ingreso no corpo superior da Administración da Xunta de Galicia, subgrupo A1, escala de letrados, convocado pola Orde do 21 de xullo de 2011 (DOG n.º 142, do 26 de xullo, corrección de erros publicada no DOG n.º 149, do 4 de agosto de 2011)