De conformidade co establecido no Decreto 206/2005, do 22 de xullo (DOG n.º 145, do 29 de xullo), de provisión de prazas de persoal estatutario do Servizo Galego de Saúde, e na Orde da Consellería de Sanidade do 24 de maio de 2006 (DOG n.º 106, do 5 de xuño), pola que se establecen as bases do procedemento para a provisión dos postos de xefatura e coordinación das institucións sanitarias do Servizo Galego de Saúde, en virtude das competencias atribuídas polo Decreto 311/2009, do 28 de maio, polo que se establece a estrutura orgánica do Servizo Galego de Saúde, e pola Orde do 15 de xuño de 2009, modificada pola Orde do 28 de setembro de 2011, sobre delegación de competencias en órganos centrais e periféricos do Servizo Galego de Saúde

RESOLVO:

Primeiro. Anunciar a convocatoria para cubrir, polo sistema de concurso de méritos, o posto de supervisor/a de unidade do Hospital Comarcal de Monforte que se relaciona no anexo desta resolución.

Segundo. A mencionada convocatoria estará exposta nos taboleiros de anuncios do Hospital Comarcal de Monforte e na páxina web do Servizo Galego de Saúde www.sergas.es

Terceiro. As solicitudes e a documentación anexa que conteña a xustificación dos requisitos e méritos alegados deberán presentarse no Rexistro Xeral do Hospital Comarcal de Monforte, sito na rúa Corredoira, s/n de Monforte de Lemos (27400), dirixidas ao director xerente do hospital, no prazo de 15 días naturais contados desde o día seguinte ao da publicación do anuncio desta convocatoria no Diario Oficial de Galicia.

Así mesmo, poderán presentarse a través de calquera dos rexistros previstos no artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común.

Monforte de Lemos, 10 de maio de 2012.

Benigno Pérez Martínez
Director xerente do Hospital Comarcal de Monforte

ANEXO

Denominación do posto: supervisor/a da unidade de planta de Medicina Interna.

Número de vacantes: 1.