A Mancomunidade de Montes do Val Miñor, a través do seu representante, solicitou nesta alcaldía licenza municipal para instalación e apertura dunha planta de compostaxe de biomasa vexetal, situada na subida ao monte Galiñeiro (Vincios, Gondomar). Cumprindo o disposto no punto 3 do artigo 8 do Decreto 133/2008, do 12 de xuño, polo que se regula a avaliación de incidencia ambiental, sométese a información pública por período de vinte días hábiles contados a partir do seguinte ao da última publicación deste edicto no Boletín Oficial da provincia e no Diario Oficial de Galicia, co fin de que os afectados pola actividade que se pretende instalar poidan examinalo e formular por escrito as alegacións que consideren oportunas no Rexistro Xeral deste Concello, das 9.00 ás 13.30 horas.

O expediente poderá ser consultado no departamento de urbanismo deste concello, de luns a venres das 9.00 ás 13.30 horas.

Gondomar, 27 de decembro de 2011.

Fernando Guitián Guitián
Alcalde