Mediante esta cédula, e debido a que as persoas relacionadas non se atoparon nos domicilios que figuran nos rexistros deste centro, ou que as persoas que a lexislación autoriza para facerse cargo delas alegaron distintas causas para non recibir as notificacións, comunícaselles ás incluídas na relación que se anexa que:

Segundo o recollido no anexo IX do Real decreto 1030/2006, do 15 de setembro, polo que se establece a carteira de servizos do sistema nacional de saúde e o procedemento para a súa actualización, así como no artigo 83 da Lei xeral de sanidade e na disposición adicional 22 do texto refundido da Lei xeral de seguridade social, aprobado polo Real decreto lexislativo 1/1994, do 20 de xuño, en caso de non achegar no prazo de 10 días os datos e a documentación necesaria para poder facturar ao terceiro obrigado ao pagamento a asistencia sanitaria que lle foi prestada neste centro sanitario, os gastos asistenciais serán ao seu cargo, tal e como se recolle no artigo 1 do Decreto 150/2007, do 5 de xullo (Diario Oficial de Galicia núm. 150, do 3 de agosto), no Decreto 164/2008, do 17 de xullo (Diario Oficial de Galicia núm. 150, do 5 de agosto), no Decreto 392/2009, do 1 de outubro (Diario Oficial de Galicia núm. 199, do 9 de outubro) e no Decreto 160/2010, do 23 de setembro (Diario Oficial de Galicia núm. 188, do 29 de setembro), polos que se establecen as tarifas dos servizos sanitarios prestados nos centros dependentes do Servizo Galego de Saúde, polo que se emitirá factura de gastos sanitarios ao seu nome.

Para todo tipo de consulta ou aclaración sobre a documentación que deben achegar, deberán pórse en contacto co Servizo de Facturación deste centro sanitario, teléfono 986 21 91 08.

Para que conste, lle sirva de notificación á persoa interesada e en cumprimento do disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, expido, asino e selo esta cédula.

Vigo, 25 de abril de 2012.

Francisco Soriano Paredes
Xerente do Complexo Hospitalario Universitario de Vigo

ANEXO