Ao abeiro do establecido na Lei 16/1987, do 30 de xullo, de ordenación dos transportes terrestres, e no seu regulamento de execución, aprobado polo Real decreto 1211/1990, do 28 de setembro, tramítase o expediente de modificación de tráficos da explotación da concesión do servizo público regular permanente de uso xeral de transporte de viaxeiros por estrada V-7034; XG-408, A Coruña-Santa Comba, con anexos, da empresa Automóviles Sigrás-Carral, S.A.
As persoas interesadas ou afectadas no expediente poderán comparecer no procedemento e, tras o exame da documentación pertinente no Servizo de Mobilidade da Coruña (rúa Alcalde Pérez Arda, 4), efectuar as alegacións que consideren oportunas no prazo de quince días, contados a partir do día seguinte ao da publicación deste anuncio no Diario Oficial de Galicia.
A Coruña, 15 de maio de 2012.
César Concheiro Ceide
Xefe do Servizo de Mobilidade da Xefatura Territorial da Coruña