A aprobación da relación de postos de traballo do organismo autónomo Fondo Galego de Garantía Agraria xustifícase para dar cumprimento ao que establece o decreto polo que se aproban os seus estatutos.

En consecuencia, por proposta da Consellería do Medio Rural e do Mar, unha vez consultadas as organizacións sindicais presentes na Mesa Xeral de Negociación da Comunidade Autónoma e a Comisión de Persoal, o Consello da Xunta de Galicia, na súa reunión do día 18 de maio de 2012, adoptou o seguinte

ACORDO:

Primeiro. Apróbase a relación de postos de traballo do organismo autónomo Fondo Galego de Garantía Agraria, nos termos que se sinalan no anexo a este acordo.

Segundo. Ordénase a súa publicación no Diario Oficial de Galicia para os efectos da súa entrada en vigor a partir do día seguinte desta.

Visto o acordo adoptado polo Consello da Xunta de Galicia na súa reunión do 18 de maio de 2012, relativo á aprobación da relación de postos de traballo do organismo autónomo Fondo Galego de Garantía Agraria, coa finalidade de cumprilo, dispoño que se publique no Diario Oficial de Galicia como anexo a esta resolución.

Santiago de Compostela, 21 de maio de 2012.

Elena Muñoz Fonteriz
Conselleira de Facenda