De conformidade coa proposta da comisión designada para xulgar o concurso de acceso que convocou esta universidade por Resolución do 20 de febreiro de 2012 (BOE do 6 de marzo), para a provisión da praza número 12/001 de catedrático de universidade da área de coñecemento de Dereito Internacional Público e Relacións Internacionais, Departamento de Dereito Público desta universidade, a favor de Adelaida Rey Aneiros, con DNI núm. 32790712-A, e unha vez que a interesada acreditou os requisitos establecidos na convocatoria,

Esta reitoría, no uso das atribucións que lle confire o artigo 20 da Lei 6/2001, do 21 de decembro, de universidades, e demais disposicións que a desenvolven, resolveu nomear a Adelaida Rey Aneiros catedrática de universidade da área de coñecemento de Dereito Internacional Público e Relacións Internacionais, Departamento de Dereito Público desta universidade.

No prazo máximo de vinte días, contados desde o día seguinte ao da publicación deste nomeamento no Boletín Oficial do Estado, o candidato deberá tomar posesión do seu destino.

Contra a presente resolución, que esgota a vía administrativa, poderase interpor recurso contencioso-administrativo no prazo de dous meses, contados desde o día seguinte as da súa publicación no Boletín Oficial del Estado, de conformidade co disposto na Lei 29/1998, do 13 de xullo, reguladora da xurisdición contencioso-administrativa. Potestativamente poderase interpoñer recurso de reposición, perante o reitor da Universidade da Coruña, no prazo dun mes contado a partir do día seguinte ao da súa publicación, sen que neste caso se poida interpoñer o recurso contencioso-administrativo antes mencionado ata que se resolva expresamente ou se producise a desestimación presunta do de reposición, ao abeiro dos artigos 116 e 117 da Lei de réxime xurídico das administracións públicas e do procedemento administrativo común.

A Coruña, 9 de maio de 2012.

Xosé Luis Armesto Barbeito
Reitor da Universidade da Coruña