Vistos os expedientes instruídos para efectos de transmisión dos establecementos que se citan a continuación e das concesións administrativas que os amparan, resulta:
a) Antecedentes de feito.
Primeiro. Mediante escrito do 13 de febreiro de 2012, Teresita Muñoz Martín, con DNI 35858469-C, no nome e representación de José Solleiro e Hijos, S.L. con
CIF B36643914, solicitou autorización para a transmisión das concesións de dous parques de cultivo mariño, situados na praia da Vía-O Grove (Pontevedra).
Segundo. A interesada presentou a documentación requirida para a tramitación.
Terceiro. No expediente consta a seguinte documentación, referida ao resultado da información oficial:
– Informe técnico-biolóxico favorable da Xefatura Comarcal da Consellería do Medio Rural e do Mar en Vilagarcía.
b) Fundamentos xurídicos.
Primeiro. Este órgano é competente para resolver os expedientes de conformidade coa Lei 6/2009, do 11 de decembro, de modificación da Lei 11/2008, do 3 de decembro, de pesca de Galicia, e coa Resolución do 12 de abril de 2012, de delegación de sinatura en materia de acuicultura nos titulares das xefaturas de Coordinación da Área do Mar da Consellería do Medio Rural e do Mar.
Segundo. Os expedientes seguiron todos os trámites establecidos no procedemento administrativo común, coas especialidades previstas no artigo 54 da Lei 6/2009, do 11 de decembro, de modificación da Lei 11/2008, do 3 de decembro, de pesca de Galicia.
Vistas as disposicións citadas, a proposta de resolución elaborada polo Servizo de Recursos Mariños, o artigo 89 da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común, e demais normas de xeral e pertinente aplicación, esta consellería resolve:
Autorizar a transmisión inter vivos, a favor de Mariscos Solleiro, S.L. (CIF: B36771624), das concesións dos establecementos que se indican a continuación:
Identificación:
Tipo: parque de cultivo mariño.
Titular: José Solleiro e Hijos, S.L. (CIF: B36643614).
Actividade: desenvolvemento de especies mariñas.
Especies: ameixa babosa (Venerupis pullastra), ameixa fina (Ruditapes decussatus), berberecho (Cerastoderma edule).
Localización: praia da Vía-O Grove (Pontevedra).
Data da resolución de outorgamento: 30 de agosto de 2007.
Fin da vixencia: 21 de setembro de 2017. Poderá prorrogarse por períodos máximos doutros dez anos, logo de petición do interesado presentada dentro dos 60 días anteriores ao do vencemento da súa vixencia, e non poderá superar o total de trinta (30) anos, por ser ese o prazo máximo que a Lei de costas vixente establece para todo tipo de concesións no seu artigo 66.2.º.
Superficie de dominio público marítimo-terrestre: 2.240 m2.
Actual titular: José Solleiro e Hijos, S.L. (CIF: B36643614).
Nova titular: Mariscos Solleiro, S.L. (CIF: B36771624).
Identificación:
Tipo: parque de cultivo mariño.
Titular: José Solleiro e Hijos, S.L. (CIF: B36643614).
Actividade: desenvolvemento de especies mariñas.
Especies: ameixa babosa (Venerupis pullastra), ameixa fina (Ruditapes decussatus), ameixa xaponesa (Ruditapes philippinarum), berberecho (Cerastoderma edule).
Localización: praia da Vía-O Grove (Pontevedra).
Data da resolución de outorgamento: Orde do 31 de decembro de 1975 (BOE do 4 de xullo de 1976).
Fin da vixencia: 28 de xullo de 2018.
Superficie de dominio público marítimo-terrestre: 402 m2.
Actual titular: José Solleiro e Hijos, S.L. (CIF: B36643614).
Nova titular: Mariscos Solleiro, S.L. (CIF: B36771624).
Baixo as seguintes condicións:
Primeira. A actual titular deberá presentar no prazo máximo dun mes, contado desde o día seguinte ao da publicación da presente resolución no Diario Oficial de Galicia, orixinal ou fotocopia compulsada da seguinte documentación:
a) Documento notarial da transmisión ou doazón.
b) Solicitude ou carta de pagamento do imposto de transmisións patrimoniais ou documento de sucesións.
Segunda. Transcorrido o prazo indicado na condición primeira sen ter presentado a documentación requirida, a autorización quedará sen efecto, logo de comunicación por parte da consellería.
Terceira. A nova titular das concesións queda subrogado nos dereitos e obrigas do anterior, desde o momento de formalización da compravenda en escritura pública.
Contra esta resolución, que esgota a vía administrativa, poderase interpoñer recurso potestativo de reposición no prazo dun mes, ante a conselleira do Medio Rural e do Mar, ou recurso contencioso-administrativo, ante a xurisdición contencioso-administrativa, no prazo de dous meses, contados en ambos os dous casos desde o día seguinte ao da súa publicación, de conformidade co disposto no artigo 116 da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común, e o artigo 46.1 da Lei 29/1998, do 13 de xullo, reguladora da xurisdición contencioso-administrativa.
Vigo, 18 de abril de 2012.
P.D. (Resolución do 12 de abril de 2012)
Sonia Lorenzo Santos
Xefa de Coordinación da Área do Mar en Vigo
