Susana Varela Amboage, secretaria xudicial do Xulgado do Social número 3 de Santiago de Compostela, fago saber que no procedemento de auxilio xudicial nacional 11/2012 deste Xulgado do Social, dimanante da demanda 53/2012 seguida no Xulgado do Social número 11 de Madrid por instancia de Wilson Iván Gallego Berrio contra Mercamadrid, S.L. e Fidecar Santiago, S.L. sobre despedimento, se acordou citar a Fidecar Santiago, S.L., en ignorado paradoiro, co fin de que compareza na sala de vistas do Xulgado do Social número 11 de Madrid, situado na r/ Princesa, 3, 3.ª planta, 28008 Madrid, o día 23 de maio de 2012, ás 10.15 horas para a celebración dos actos de conciliación e, de ser o caso, xuízo, poderá comparecer persoalmente ou mediante persoa legalmente apoderada e deberá acudir con todos os medios de proba de que intente valerse, coa advertencia de que é única convocatoria e que os ditos actos non se suspenderán por falta inxustificada de asistencia.

Advírteselle ao destinatario de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

Santiago de Compostela, 4 de maio de 2012.

A secretaria xudicial