Para os efectos previstos na Lei 54/1997, do 27 de novembro (BOE n.º 285), do sector eléctrico, e no título VII do Real decreto 1955/2000, do 1 de decembro (BOE n.º 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición da autorización administrativa da instalación eléctrica que se cita:
Solicitante: Unión Fenosa Distribución, S.A.
Domicilio social: avda. de Arteixo, 171, 15007 A Coruña.
Denominación: L.A.T. Morás-Sabón-Eirís.
Situación: concello de Arteixo.
Características técnicas:
Desmontaxe do tramo aéreo existente entre os apoios 30 e 34 da liña aérea a 66 kV Sabón-Eirís (tramo da antiga L.A.T. 66 kV Tambre-Carballo-A Coruña, expediente 10.167)
Instalación baixo o trazado da liña aérea do apoio PAS 30A e retensamento dos condutores entre este apoio PAS e o apoio existente n.º 29.
Instalación baixo o trazado da liña aérea dun novo apoio 34 de ancoraxe, e retensamento dos condutores desde este novo apoio ata o apoio existente n.º 35.
Instalación baixo o trazado da liña aérea do apoio PAS 34A e tendido dos condutores entre este apoio PAS e o novo apoio n.º 34.
Liña de alta tensión subterránea a 66 kV, cunha lonxitude de 2.263 metros (situación provisional) e 2.240 metros (situación definitiva), coa orixe no apoio PAS 30A e final no apoio PAS 34A, condutor tipo R.H.Z.1. 36/66 kV 1×630 mm² Al.
Todas aquelas persoas ou entidades que se consideren afectadas poderán examinar o expediente e presentar as súas alegacións nesta xefatura territorial, situada no edificio administrativo de Monelos, rúa Vicente Ferrer, 2, 2.º andar. 15071 A Coruña, no prazo de vinte días a partir da última publicación.
A Coruña, 17 de abril de 2012.
Susana Vázquez Romero
Xefa territorial da Coruña