A Resolución do 24 de marzo de 2011, da Secretaría Xeral de Modernización e Innovación Tecnolóxica, establece as bases reguladoras para a concesión, en réxime de concorrencia competitiva, das subvencións destinadas a entidades sen ánimo de lucro, para actuacións de difusión relacionadas co desenvolvemento da sociedade da información na Comunidade Autónoma de Galicia, cofinanciadas polo Fondo Europeo de Desenvolvemento Rexional (Feder), no marco do Programa operativo Feder Galicia 2007-2013 e procede á súa convocatoria para 2011 (procedemento administrativo PR521A, DOG n.º 64, do 31 de marzo de 2011).

A resolución de concesión de subvencións ao abeiro da citada convocatoria foi ditada e notificada aos beneficiarios. Superada a data límite de presentación da documentación xustificativa da subvención, establecida no artigo 18 das bases reguladoras da convocatoria, modificada por Resolución do 16 de setembro de 2011 (DOG n.º 187, do 29 de setembro), o órgano instrutor revisou as xustificacións presentadas, identificando expedientes nos que non se reúne algún dos requisitos exixidos.

Así mesmo, o artigo 8 das bases reguladoras dispón que por tratarse dun procedemento de concorrencia competitiva, e de conformidade co establecido nos artigos 59.6.b), 60 e 61 da Lei 30/1992, os requirimentos se realizarán preferentemente mediante publicación no DOG, e producirán os mesmos efectos que a notificación individualizada. A dita publicación tamén se realizará no taboleiro electrónico de anuncios ao cal se remitirá desde o texto publicado no DOG, e poderase facer indicación de que os seguintes actos administrativos deste procedemento serán notificados a través do citado taboleiro.

Adicionalmente, o artigo 46 do Regulamento da Lei 9/2007, do 13 de xuño, de subvencións de Galicia, aprobado polo Decreto 11/2009, do 8 de xaneiro, establece que cando o órgano administrativo competente aprecie a existencia de defectos emendables na xustificación presentada polo beneficiario, e porá no seu coñecemento e lle concederá un prazo de dez días para a súa corrección.

De conformidade co disposto no Decreto 252/2011, do 15 de decembro, polo que se crea a Axencia para a Modernización Tecnolóxica de Galicia e se aproban os seus estatutos, o órgano competente para resolver o procedemento administrativo PR521A é a dita axencia.

Na súa virtude,

ACUERDO:

1. Ordenar a publicación no Diario Oficial de Galicia dunha relación de expedientes do procedemento administrativo PR521A que están suxeitos a requirimento de documentación xustificativa e apertura de trámite de audiencia, segundo o establecido no artigo 46 do Regulamento da Lei 9/2007, do 13 de xuño, de subvencións de Galicia, aprobado polo Decreto 11/2009, do 8 de xaneiro. Esta relación achégase como anexo do presente anuncio.

2. Identificar o taboleiro electrónico e o taboleiro presencial que se describen neste anuncio, como os medios e lugares onde se remite aos interesados para que obteñan información particularizada dos feitos aquí recollidos, coa indicación de que será onde se publicarán os sucesivos actos integrantes deste procedemento administrativo.

3. Facer indicación expresa a todos os interesados recollidos no anexo de que son requiridos para que, no prazo de dez días hábiles, contados a partir do día seguinte ao da publicación do presente anuncio no DOG, aleguen, emenden a falta ou acheguen os documentos preceptivos conforme o recollido no taboleiro electrónico citado. De non o facer, resolverase o expediente coa documentación dispoñible.

De conformidade coas bases reguladoras, no caso de requirirse certificados acreditativos da inexistencia de débedas coas distintas administracións públicas, logo de que a consulta polo órgano xestor non obtivese resultado favorable, a data de expedición dos certificados pola Administración correspondente deberá ser posterior á data de consulta efectuada polo órgano xestor, o que se indicará na información particularizada para cada interesado. No caso de que por razóns alleas ao solicitante non se poidan obter os devanditos certificados dentro do prazo de emenda concedido, os solicitantes deben achegar inescusablemente o orixinal ou copia compulsada do xustificante da solicitude en prazo do devandito certificado, achegando o certificado orixinal en canto lle sexa entregado pola Administración correspondente.

4. Identificar que o acceso aos contidos do devandito taboleiro electrónico pode facerse por tres canles electrónicas distintas. Para empregar calquera das tres canles o interesado deberá dispoñer da primeira folla dos formularios de solicitude, ben en formato papel ou ben en arquivo PDF, que se xerou no seu momento coa aplicación de formalización de formularios de subvención.

4.1. Acceso pola web www.xunta.es, empregando un código electrónico.

O interesado debe acceder á páxina web da Axencia para a Modernización Tecnolóxica de Galicia (Amtega), sita no enderezo http://imit.xunta.es, e seleccionar a opción Axudas, co que se amosa o servizo do taboleiro electrónico. Para o acceso ao contido do taboleiro electrónico deberá introducir, tecleando, o código electrónico (de entre 16 a 20 caracteres alfanuméricos) existente na parte superior dereita da primeira folla da súa solicitude, o que garante a privacidade no acceso á información de cada solicitante. O enlace dereito a este servizo é o seguinte:

http://imit.xunta.es/portal/sectorempresarialdasociedadedainformacion/axudas/

4.2. Acceso nun clic desde o arquivo PDF da solicitude.

O interesado debe abrir o arquivo PDF da solicitude cun visor Acrobat Reader. Na parte inferior dereita da primeira folla dispón dunha figura con cadrados brancos e negros, un código QR. Premendo clic dentro da figura do código QR activará un enlace personalizado co que accede directamente á información.

4.3. Acceso a través dun dispositivo móbil, coa fotografía do código QR.

O interesado debe fotografar o código QR da solicitude e dispoñer no seu dispositivo móbil dun software de recoñecemento e acceso a internet, que lle permita enlazar coa URL que está codificada na matriz bidimensional do código QR.

Disponse de información explicativa adicional sobre o uso das canles electrónicas citadas no seguinte enlace:

http://imit.xunta.es/portal/sectorempresarialdasociedadedainformacion/axudas/pregunta4.html

Para a presentación da documentación poden seguir as instrucións de xustificación dispoñibles no taboleiro electrónico.

5. En caso de dúbida, dificultades técnicas ou necesidade de máis información poderán dirixirse á Axencia para a Modernización Tecnolóxica de Galicia (Amtega) a través do teléfono 981 54 55 83, do enderezo de correo electrónico sxmit.axudas@xunta.es, ou presencialmente no edificio administrativo de San Caetano, bloque 5-4.º andar, en Santiago de Compostela (A Coruña). Na Área de Sociedade Dixital da Amtega tamén se disporá dun taboleiro presencial onde poderá accederse en formato papel á información particularizada para cada un dos expedientes recollido no dito anexo, o que garante a igualdade no proceso de notificación para todos os solicitantes nun procedemento de concorrencia competitiva.

Santiago de Compostela, 4 de maio de 2012.

José Luis Somoza Digón
Xefe do Departamento Xurídico da Axencia para a Modernización
Tecnolóxica de Galicia

Anexo
Expedientes suxeitos a requirimento de documentación xustificativa e apertura
de trámite de audiencia do procedemento PR521A

Composto polos 18 expedientes seguintes:

Entidade	NIF	Num. expediente PR521A–2011
Asociación Agraria Jóvenes Agricultores de Galicia	G15557143	16391
Asociación de Dano Cerebral da Coruña	G15780166	15919
Asociación de Empresarias da Provincia de Ourense	G32104663	16440
Asociación de Empresarios Discapacitados Autónomos de Galicia	G70256565	16450
Asociación de Empresarios Discapacitados de Galicia	G70089156	16135
Asociación de Escritores en Lingua Galega	G15039936	16121
Asociación de Familiares de Enfermos de Alzheimer	G15538838	15850
Asociación de Mulleres e Familias do Ámbito Rural Galego	G15592801	16163
Asociación Galega de Editores	G15130594	16231
Asociación Juan XXIII	G36012128	16115
Asociación O Son do Pobo	G94017704	16492
Asociación para el Fomento de la Riqueza Forestal de Galicia	G36028603	16380
Asociación Provincial de Empresarios de Hostelería de Lugo	G27021005	16439
Asociación Provincial de Empresarios de Restauración y Hospedaje de Santiago	G15063613	16166
Asociación Xaruma	G27746486	16288
Fundación Coren	G32246951	16310
Fundación para a Defensa dos Consumidores	G15761042	16236
Unión de Cooperativas. Asociación Galega de Cooperativas Agrarias	F15156557	16025