A Dirección de Augas de Galicia, como órgano de contratación, ao abeiro da Resolución do 30 de xaneiro de 2012 de delegación de competencias ditada pola Presidencia do organismo e de acordo co establecido no Decreto 32/2012, do 12 de xaneiro, polo que se aproba o estatuto do ente público, contratou a seguinte actuación:
1) Entidade adxudicadora.
Organismo: Augas de Galicia.
Dependencia que tramita o expediente: contratación.
Enderezo da internet do perfil do contratante
http://www.contratosdegalicia.es/consultaOrganismo.jsp?N=216. Tamén se terá acceso ao perfil do contratante desde a Plataforma de Contratos Públicos de Galicia a través de http://www.xunta.es.
Tipo de contrato: obra.
Tramitación: ordinaria da licitación e anticipada do gasto.
Procedemento: aberto con varios criterios de valoración e non suxeito a regulación harmonizada.
2) Obxecto do contrato: obra.
Descrición: emisario submariño en San Cibrao, Cervo (Lugo).
Número de expediente: OH.327.593.
CPV (referencia de nomenclatura): 45232424-0.
Medio e data de publicación de licitación: DOG n.º 237, do 14 de decembro de 2011.
Orzamento base de licitación: importe neto: 1.828.581,18 euros. Importe total: 2.157.725,79 euros.
Valor estimado do contrato: coincide co importe neto do orzamento base de licitación.
Data de adxudicación: 10 de abril de 2012.
Importe de adxudicación: importe neto: 1.574.042,68 euros. Importe total: 1.857.370,36 euros.
Data de formalización do contrato: 23 de abril de 2012.
Contratista: Constructora San José, S.A.
Vantaxes das ofertas do adxudicatario: proposición economicamente máis vantaxosa por obter a maior puntuación total con base na aplicación dos criterios de valoración establecidos no prego de cláusulas administrativas particulares, nos cales se inclúen as características que determinan a selección da súa oferta con preferencia ás dos restantes licitadores admitidos no procedemento de adxudicación correspondente.
3) Cofinanciamento da Unión Europea.
A actuación referida no punto 2) anterior está cofinanciada pola Unión Europea a través do Fondo Europeo de Desenvolvemento Rexional (Feder) nunha porcentaxe dun setenta por cento (70%), no marco do Programa operativo Feder Galicia 2007-2013, eixe prioritario de intervención 3, ambiente, medio natural, recursos hídricos e prevención de riscos, tema prioritario 46: tratamento da auga (auga residual). Actuación 3.46.3: construción de novas redes de colectores (saneamento e pluviais) e emisarios. Unha maneira de facer Europa.
O cofinanciamento europeo, así mesmo, fíxose público no perfil do contratante e foi comunicado de xeito individual aos licitadores.
4) Outras informacións.
A adxudicación do citado contrato, en cumprimento do artigo 135 da Lei 30/2007, do 30 de outubro, de contratos do sector público, e conforme o disposto no prego de cláusulas administrativas particulares, foi debidamente notificada aos licitadores e publicada no perfil do contratante.
O que se fai público para os efectos previstos no artigo 138 da Lei 30/2007, do 30 de outubro, de contratos do sector público.
Santiago de Compostela, 3 de maio de 2012.
P.D. (Resolución 30.1.2012; DOG n.º 21, do 31 de xaneiro)
Francisco Menéndez Iglesias
Director de Augas de Galicia