A Intervención Xeral da Comunidade Autónoma de Galicia, en execución do Plan de Control Financeiro 2012, aprobado de conformidade co disposto no artigo 107 do Decreto lexislativo 1/1999, do 7 de outubro, polo que se aproba o texto refundido da Lei do réxime financeiro e orzamentario de Galicia (DOG n.º 214, do 5 de novembro), e de acordo co previsto no artigo 94 do dito texto e no artigo 42 da Lei 9/2007, de 13 de xuño, de subvencións de Galicia (DOG n.º 121, do 25 de xuño), vai realizar un control financeiro a Conservas y Elaborados Guau, S.L., en relación coa subvención percibida melloras produtivas e implantación de novos procesos, cofinanciada polo Fondo Europeo de Pesca con cargo ao Programa operativo do sector pesqueiro español 2007-2013.

De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, mediante este anuncio faise saber:

1. Que, tentada a notificación de control financeiro a Conservas y Elaborados Guau, S.L., non foi posible practicala.

2. Que, por medio deste anuncio ponse de manifesto que Conservas y Elaborados Guau, S.L. ou persoas debidamente autorizadas deberán comparecer no prazo de dez días contados desde o seguinte á publicación deste no Diario Oficial de Galicia, nas oficinas desta Subdirección Xeral de Auditoría de Fondos Comunitarios e Subvencións, sita no edificio administrativo San Caetano, s/n, bloque n.º 3 (Intervención Xeral da Comunidade Autónoma-Consellería de Facenda), de luns a venres, das 9.00 ás 14.00 horas, co obxecto de facerlle entrega da notificación de control financeiro a Conservas y Elaborados Guau, S.L.

3. Que, se rematado o prazo sinalado non tivese comparecido, a notificación entenderanse producida para todos os efectos legais desde o día seguinte ao do vencemento do prazo para comparecer.

Santiago de Compostela, 3 de maio de 2012.

Pablo Benigno Villarquide Vega
Xefe do Servizo de Control Financeiro e Subvencións