Convocada pola Resolución do 23 de setembro de 2011 (DOG n.º 205, do 26 de outubro), a provisión, polo sistema de concurso de méritos, dun posto de supervisor/a da Unidade de Urxencias de Adultos do Complexo Hospitalario Universitario de Vigo, esta xerencia, de conformidade coa competencia atribuída no artigo 3 da Orde da Consellería de Sanidade do 24 de maio de 2006 (DOG n.º 106, do 5 de xuño),
DISPÓN:
Primeiro. Resolver a convocatoria pública para a provisión, polo sistema de concurso de méritos, dun posto de supervisor/a da Unidade de Urxencias de Adultos do Complexo Hospitalario Universitario de Vigo, convocado pola Resolución do 23 de setembro de 2011.
Segundo. Declarar deserto o posto convocado por non acadar os aspirantes a puntuación exixida na defensa do proxecto técnico, de conformidade co establecido no base cuarta da resolución da presente convocatoria.
Terceiro. Contra esta resolución poderá interpoñerse recurso de alzada, perante a Dirección de Recursos Humanos do Servizo Galego de Saúde, no prazo dun mes contado a partir do día seguinte ao da súa publicación, nos termos dos artigos 114 e 115 da Lei 30/1992, do 26 de novembro, de réxime xurídico das administracións públicas e do procedemento administrativo común, segundo a redacción dada pola Lei 4/1999, do 13 de xaneiro.
Vigo, 18 de abril de 2012.
Francisco Soriano Paredes
Xerente do Complexo Hospitalario Universitario de Vigo