A Xefatura Territorial da Consellería de Economía e Industria da Coruña fai saber que Río Narcea Nickel, S.A., con enderezo na rúa Serrano, 85-6.º I, 28006 Madrid, presentou nesta xefatura territorial, o día 12 de maio de 2004, instancia-solicitude do permiso de investigación Monte Castelo, de trinta e dúas (32) cuadrículas mineiras para recursos da sección C (níquel e substancias afíns), nos termos municipais de Coristanco e Santa Comba, provincia da Coruña, e correspondeulle o número 7086 do rexistro mineiro da provincia da Coruña.
A designación do terreo é a seguinte:
|
Vértices |
Lonxitude |
Latitude |
|
1 |
8º 46’ 40’’ |
43º 08’ 00’’ |
|
2 |
8º 45’ 00’’ |
43º 08’ 00” |
|
3 |
8º 45’ 00” |
43º 04’ 40” |
|
4 |
8º 45’ 40” |
43º 04’ 40” |
|
5 |
8º 45’ 40’’ |
43º 06’ 00’’ |
|
6 |
8º 46’ 00’’ |
43º 06’ 00’’ |
|
7 |
8º 46’ 00’’ |
43º 06’ 40’’ |
|
8 |
8º 46’ 20’’ |
43º 06’ 40’’ |
|
9 |
8º 46’ 20’’ |
43º 07’ 20’’ |
|
10 |
8º 46’ 40’’ |
43º 07’ 20’’ |
A solicitude foi admitida definitivamente, salvo mellor dereito e sen prexuízo de terceiros.
Todas as persoas que se consideren afectadas por este permiso de investigación poderán examinar o expediente na Sección de Minas da Xefatura Territorial da Consellería de Economía e Industria da Coruña, edificio administrativo Monelos, 2.º andar, praza de Luís Seoane s/n, A Coruña, e alegar por escrito todo o que crean oportuno. Para iso, terán un prazo de trinta días hábiles, que comezarán a contar desde o día seguinte a aquel en que se publique este anuncio no Diario Oficial de Galicia, segundo o establecido polo artigo 21 da Lei 3/2008, do 23 de maio, de ordenación da minaría de Galicia (DOG núm. 109, do 6 de xuño).
A Coruña, 10 de abril de 2012.
Susana M.ª Vázquez Romero
Xefa territorial da Coruña
