De conformidade co disposto nos artigos 59.5.º e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, logo de seren tentadas sen éxito as notificacións persoais a través do servizo de Correos, notificase á interesada que se sinala no anexo deste anuncio o acordo de inicio do procedemento de reintegro polo concepto de axuda á contratación de seguros agrarios (Orde do 28.12.2007, pola que se establecen as axudas á contratación de seguros agrarios na Comunidade Autónoma de Galicia para o ano 2008).
A interesada poderá comparecer no prazo de dez días hábiles contados desde o seguinte á publicación deste anuncio no Diario Oficial de Galicia nas dependencias da Secretaría Xeral Técnica (Servizo Técnico-Xurídico) da Consellería do Medio Rural e do Mar, situada no complexo administrativo San Caetano de Santiago de Compostela (bloque 5, Edificio dos Espellos, 2.º andar), das 9.00 ás 14.00 horas, de luns a venres, para o coñecemento do contido íntegro do mencionado acordo de inicio e a constancia de tal coñecemento.
Transcorrido o devandito prazo sen efectuarse a comparecencia, a notificación entenderase producida desde o día seguinte á data da súa finalización.
Concédeselle aos interesados un prazo de quince días hábiles, contados desde o día seguinte á notificación do acordo de inicio, para que poidan formular as alegacións e presentar a documentación que consideren conveniente aos seus dereitos ante a Consellería do Medio Rural e do Mar.
Este anuncio remitirase, así mesmo, aos concellos correspondentes ao último enderezo coñecido do interesado, en aplicación do artigo 59.5.º da Lei 30/1992, co obxecto de que procedan á súa publicación por medio dun anuncio no seu taboleiro de edictos.
Santiago de Compostela, 23 de abril de 2012.
Francisco José Vidal-Pardo Pardo
Secretario xeral técnico da Consellería do Medio Rural e do Mar
ANEXO
Expediente n.º: procedemento de reintegro polo concepto de axuda á contratación de seguros agrarios.
Interesada: Cunicultura Galega, S.L.
Acto de notificación: acordo de inicio.
Último enderezo coñecido: Meaño, Cesullas, 15149 Cabana de Bergantiños (A Coruña).