Airas Moniz, S.L. solicitou licenza para diversificación de produción en explotación gandeira coa implantación de industria de elaboración de queixos e postres lácteos no lugar do Outeiro, parroquia de San Salvador de Asma, neste municipio. Ao abeiro do establecido no número 3 do artigo 8 do Decreto 133/2008, do 12 de xuño, polo que se regula a avaliación da incidencia ambiental, sométese o expediente incoado a información pública polo período de vinte días no Diario Oficial de Galicia, no Boletín Oficial da provincia de Lugo e no taboleiro de anuncios deste concello, sito na praza de España, n.º 1, Chantada (Lugo), período que comezará a contar a partir do seguinte á publicación deste anuncio no Diario Oficial de Galicia, para os efectos do seu exame e, de ser o caso, efectuar as correspondentes reclamacións.

Chantada, 3 de maio de 2012.

Manuel Lorenzo Varela Rodríguez
Alcalde