Rolando Vidal González e Dolores Rodríguez Cabaleiro solicitaron licenza de uso e actividade, en solo rústico de protección forestal, cos seguintes datos:
• Uso solicitado: depósito de materiais, almacenamento e parques de maquinaria e estacionamento e exposición de vehículos ao aire libre.
• Localización: avda. Castelao n.º 146, Arcade (Soutomaior).
• Ocupación da actividade:
– Zona de exposición: 990,00 m2.
– Zona de almacenamento: 2.516,30 m2.
– Zona de paso: 578,45 m2.
• Altura da edificación: non hai, por ser unha actividade ao aire libre.
De conformidade co artigo 42.2.b) da Lei 9/2002, de ordenación urbanística e protección do medio rural de Galicia, e artigo 8.3.º do Decreto 133/2008, de avaliación de incidencia ambiental, sométese a información pública polo prazo de vinte días, para os efectos de posibles reclamacións por parte dos afectados. O expediente poderase consultar nas oficinas municipais de luns a sábado e das 9.00 ás 13.00 horas.
Soutomaior, 2 de abril de 2012.
Agustín Reguera Ocampo
Alcalde