Na sesión que tivo lugar o día 19 de abril de 2012, o tribunal nomeado pola Orde do 16 de novembro de 2011 (DOG número 221, do 18 de novembro) para cualificar o proceso selectivo para o ingreso no corpo auxiliar da Xunta de Galicia, subgrupo C2, de conformidade co disposto nas bases da convocatoria, adoptou os seguintes acordos:

Primeiro. Rexeitar as reclamacións presentadas contras as puntuacións do segundo exercicio, publicadas pola Resolución do 15 de marzo de 2012 (DOG número 58, do 23 de marzo).

Segundo. Declarar a todos/as os/as aspirantes que superaron o segundo exercicio exentos da realización do terceiro exercicio por ter presentado a documentación xustificativa sinalada na base II.1.1.3 da convocatoria.

Contra esta resolución poderá interpoñerse recurso de alzada ante a conselleira de Facenda no prazo dun mes contado desde o día seguinte ao da publicación desta resolución no Diario Oficial de Galicia, de acordo cos artigos 114 e seguintes da Lei 30/1992, do 26 de novembro, de réxime xurídico das administracións públicas e do procedemento administrativo común.

Santiago de Compostela, 19 de abril de 2012.

Alfonso Blasco García
Presidente do tribunal