Con data do 20 de abril de 2012, publicouse no Diario Oficial de Galicia a resolución pola que se anunciaba a licitación do procedemento aberto multicriterio, suxeito a regulación harmonizada, trámite ordinario do servizo en materia de seguridade e saúde nas obras de conservación e explotación das estradas autonómicas da provincia de Ourense, de clave OU/11/036.02. (AT/005/2012).

Advertido erro na páxina 7, artigo 9 Dotación de medios para a prestación do servizo, do prego de prescricións técnicas particulares, aprobado o día 9 de marzo de 2012, que se achega na documentación da licitación, substituirase por un novo prego de prescricións técnicas particulares, aprobado o día 20 de abril de 2012.

Porén, tamén se modifican as seguintes datas:

Data límite de obtención da documentación e información: 1 de xuño de 2012.

Data límite de presentación das ofertas: 1 de xuño de 2012.

Data de envío deste anuncio de modificación ao Diario Oficial de la Unión Europea: 23 de abril de 2012.

O que se fai público para os efectos do previsto no artigo 142 do Real decreto lexislativo 3/2011, do 14 de novembro, polo que se aproba o texto refundido da Lei de contratos do sector público.

Santiago de Compostela, 23 de abril de 2012.

Ethel María Vázquez Mourelle
Directora da Axencia Galega de Infraestruturas