Mediante a Orde da Consellería do Medio Rural do 23 de decembro de 2009 aprobouse o Regulamento da indicación xeográfica protexida Grelos de Galicia e do seu Consello Regulador, e nomeouse o Consello Regulador provisional. O artigo 2 da dita orde, en que se nomean as persoas que compoñen o Consello Regulador, foi modificado desde esa data en varias ocasións, a última delas a través da Orde do 13 de decembro de 2011.
Por outra parte, na reunión do Pleno do Consello Regulador do 16 de marzo de 2012, aceptouse a renuncia de Ana Ledo Fernández e Marcos Cid Cid como vogais dese Consello Regulador, así como a súa substitución por José López Pérez e Susana Jardón Rodríguez, respectivamente.
Por iso, de acordo co disposto no artigo 4 do Decreto 4/2007, do 18 de xaneiro, polo que se regulan as denominacións xeográficas de calidade do sector alimentario e os seus consellos reguladores,
DISPOÑO:
Artigo único.
Modificación do artigo 2.º da Orde do 23 de decembro de 2009, da Consellería do Medio Rural, pola que se aproba o Regulamento da indicación xeográfica protexida Grelos de Galicia e do seu Consello Regulador e se nomea o Consello Regulador provisional.
O artigo 2.º da Orde do 23 de decembro de 2009, da Consellería do Medio Rural, pola que se aproba o Regulamento da indicación xeográfica protexida Grelos de Galicia e do seu Consello Regulador e se nomea o Consello Regulador provisional, modificado por última vez a través da Orde do 13 de decembro de 2011, queda redactado do seguinte xeito:
« Artigo 2. Nomeamento do Consello Regulador provisional.
Noméase, por proposta do sector, o Consello Regulador da indicación xeográfica protexida Grelos de Galicia, con carácter provisional ata que se celebren eleccións na forma determinada pola normativa vixente.
Queda formado polos membros seguintes:
– Presidente: José Luís Dadín Rivadas.
– Vogais polo sector produtor:
Begoña Gaute Verdes.
Adalia Fraga Fraga.
Secundino Oural Sanjurjo.
Alejandro Dafonte Liste.
José López Pérez.
– Vogais polo sector de operadores-comercializadores e almacenistas en fresco:
Javier Alvela Edreira.
José Manuel Fraga Prieto.
Álvaro Lis Fernández.
Lorena López Rocha.
Beatriz Rodríguez Vieira.
– Vogais polo sector das industrias de procesado:
Divina Castelo Rey.
Verónica Núñez López.
Susana Jardón Rodríguez.
José Posada González.
Guillermo Díaz Iglesias».
Disposición final.
Esta orde entrará en vigor o día seguinte ao da súa publicación no Diario Oficial de Galicia.
Santiago de Compostela, 24 de abril de 2012.
Rosa M.ª Quintana Carballo
Conselleira do Medio Rural e do Mar