En sesión que tivo lugar o día 17 de abril de 2012 reuniuse o tribunal designado pola Orde do 21 de outubro de 2011 para cualificar o proceso selectivo para o ingreso no corpo superior de Administración da Xunta de Galicia, subgrupo A1, escala de letrados. Na dita sesión, o tribunal acordou, de conformidade coas bases II.1.5 e II.1.6 da convocatoria, que o quinto e o sexto exercicio do proceso selectivo se realicen, respectivamente, os días 14 e 21 de maio de 2012, na aula 16 da Escola Galega de Administración Pública, a partir das 9.00 horas.
En consecuencia, convócanse para a realización do quinto exercicio o 14 de maio de 2012, no lugar indicado, as seguintes opositoras:
NIF |
Apelidos e nome |
33537176W |
Mouriz Fernández, María Esmeralda |
44813137Y |
Rial Seoane, Patricia |
47376022R |
Tarrío Vila, Carlota |
32669369P |
Carballo Marcote, Sabela |
44842589H |
Concheiro Rodríguez-Segade, María Isabel |
53181447L |
González de Vicente, Ana |
As opositoras deberán comparecer ás 9.00 horas para a realización do exercicio práctico por escrito. O tempo máximo de duración será de cinco (5) horas.
As opositoras deberán comparecer o mesmo día ás 16.30 horas para a lectura en sesión pública ante o tribunal do exercicio práctico.
Así mesmo, convócanse para a realización do sexto exercicio o día 21 de maio de 2012, no lugar indicado, as opositoras que superen o quinto exercicio.
As ditas opositoras deberán comparecer ás 9.00 horas para a realización do exercicio práctico por escrito. O tempo máximo de duración será de cinco (5) horas.
As opositoras deberán comparecer o mesmo día ás 16.30 horas para a lectura en sesión pública ante o tribunal do exercicio práctico.
As opositoras deberán presentarse a cada exercicio provistas de DNI ou documento fidedigno acreditativo da súa identidade, a xuízo do tribunal.
Santiago de Compostela, 17 de abril de 2012.
Rafael Álvaro Millán Calenti
Presidente do tribunal