Convocado, pola Orde do 6 de febreiro de 2012 (DOG núm. 42, do 29 de febreiro), a provisión, polo sistema de libre designación, de varios postos de traballo vacantes nos servizos centrais do Servizo Galego de Saúde, esta consellería, de conformidade co previsto no artigo 29.2 do Decreto lexislativo 1/2008, do 13 de marzo, polo que se aproba o texto refundido da Lei da función pública de Galicia, e en uso das atribucións conferidas polo artigo 17.4 da mesma lei, e nos artigos 16 e 17 do Decreto 93/1991, do 20 de marzo.
DISPÓN:
Primeiro. Resolver definitivamente a convocatoria pública para a provisión, polo sistema de libre designación, de varios postos de traballo vacantes nos servizos centrais do Servizo Galego de Saúde, anunciada pola Orde do 6 de febreiro de 2012 (DOG núm. 42, do 29 de febreiro).
Segundo. Adxudicarlles destino, nos postos de traballo que se indican, aos funcionarios que se relacionan no anexo a esta orde.
Terceiro. O persoal mencionado deberá tomar posesión no prazo sinalado no artigo 14 do Decreto 93/1991, do 20 de marzo.
Cuarto. Contra esta orde, que pon fin á vía administrativa, poderase interpoñer potestativamente recurso de reposición ante este mesmo órgano, no prazo dun mes contado a partir do día seguinte ao da súa publicación. De non estimar a interposición deste recurso poderase interpoñer recurso contencioso-administrativo ante o xulgado do contencioso-administrativo competente, no prazo de dous meses contados a partir do día seguinte ao da súa publicación.
Santiago de Compostela, 4 de abril de 2012.
Rocío Mosquera Álvarez
Conselleira de Sanidade
ANEXO
Apelidos e nome: M.ª Estrella López-Pardo Pardo.
N.R.P.: 3383928213 A205W.
Grupo: A1.
Nivel: 30.
Posto de traballo: subdirector/a xeral de Análise, Avaliación Asistencial e Atención ao Paciente.
Dependencia: Dirección de Asistencia Sanitaria.
Localidade: Santiago de Compostela.
Apelidos e nome: M.ª Mercedes Lanza Gándara.
N.R.P.: 3326086368 A206B.
Grupo: A1.
Nivel: 30.
Posto de traballo: subdirector/a xeral de Planificación e Ordenación Asistencial.
Dependencia: Dirección Asistencia Sanitaria.
Localidade: Santiago de Compostela.
