Ao abeiro do establecido na Lei 16/1987, do 30 de xullo, de ordenación dos transportes terrestres, e no seu regulamento de execución, aprobado polo Real decreto 1211/1990, do 28 de setembro, tramítase o expediente de ampliación de tráficos da explotación da concesión de servizo público regular permanente de uso xeral de transporte de viaxeiros por estrada V-7042; XG-416, Lugo-Lalín-Pontevedra-Vigo, con anexos, da empresa Gómez de Castro, S.A.
Os interesados ou afectados no expediente poderán comparecer no procedemento e, tras o exame da documentación pertinente no Servizo de Mobilidade de Pontevedra (edificio administrativo da Xunta de Galicia, avda. Fernández Ladreda, n.º 43-1.º andar), efectuar as alegacións que consideren oportunas no prazo de quince días, contados a partir do día seguinte ao da publicación deste anuncio no Diario Oficial de Galicia.
Pontevedra, 2 de abril de 2012.
José Jorge Martínez Fernández
Xefe do Servizo de Mobilidade de Pontevedra