Marta Yanguas del Valle, secretaria de reforzo do Social número 3 da Coruña, fago saber que nos autos rexistrados co número 1392/2009 se ditou a resolución cuxo encabezamento e ditame é o seguinte:

«Sentenza.

A Coruña, 21 de marzo de 2012.

Ana Rodríguez Piorno, maxistrada xuíza do Xulgado do Social número 3 (reforzo) da Coruña, ditou esta resolución nos autos de procedemento sobre reclamación de cantidade 1392/2009, sendo demandante Camilo Humberto Mújica García, asistido polo letrado Sr. Páramo Sureda, e demandada a empresa SGR Análisis y Diagnosis, S.L., despois de ser citado, do mesmo xeito, o Fondo de Garantía Salarial (Fogasa).

Dispoño que debo estimar e estimo a demanda interposta por Camilo Humberto Mújica García contra a empresa SGR Análisis y Diagnosis, S.L., e, en consecuencia, condeno esta última a aboar a Camilo Humberto Mújica García a cantidade de 5.696,61 euros que lle debe.

Non procede a condena do Fondo de Garantía Salarial nesta instancia, sen prexuízo da responsabilidade que se lle poida imputar con posterioridade.

Notifíqueselles esta sentenza ás partes.

Contra esta resolución cabe interpoñer recurso de suplicación ante o Tribunal Superior de Xustiza de Galicia, o cal deberá ser anunciado no prazo dos cinco días seguintes á notificación desta sentenza.

Así o pronuncio, mando e asino.

Publicación. A anterior sentenza foi lida e publicada pola maxistrada xuíza que a subscribe no día da súa data, do que eu, a secretaria xudicial, dou fe».

E para que sirva de notificación a SGR Análisis y Diagnosis, S.L., expídese esta cédula para a súa publicación no Diario Oficial de Galicia e colocación no taboleiro de anuncios.

A Coruña, 28 de marzo de 2012.

A secretaria xudicial