Por Orde desta consellería do 25 de novembro de 2011 (DOG n.º 239, do 16 de decembro), convocouse a provisión, polo sistema de libre designación, dun posto directivo en Galaria, Empresa Pública de Servizos Sanitarios, S.A.

De conformidade co establecido no artigo 59 do Decreto 206/2005, do 22 de xullo, de provisión de prazas de persoal estatutario do Servizo Galego de Saúde, en exercicio das competencias que ten atribuídas, esta consellería

DISPÓN:

Primeiro. Resolver a convocatoria pública efectuada por Orde desta consellería do 25 de novembro de 2011 (DOG n.º 239, do 16 de decembro), para os efectos previstos no apartado 2 do artigo 59 do Decreto 206/2005, do 22 de xullo (DOG n.º 145, do 29 de xullo), de provisión de prazas de persoal estatutario do Servizo Galego de Saúde.

Segundo. Seleccionar, para o desempeño do posto que se indica, á persoa que figura no anexo desta orde, para os efectos de que se proceda á súa vinculación mediante contrato laboral de alta dirección.

Terceiro. Contra esta orde, que pon fin á vía administrativa, poderá interpoñerse recurso potestativo de reposición ante este mesmo órgano, no prazo dun mes contado a partir do día seguinte ao da súa publicación, de conformidade co establecido na Lei 30/1992, do 26 de novembro, de réxime xurídico das administración públicas e do procedemento administrativo común, ou directamente recurso contencioso-administrativo, no prazo de dous meses contados desde a mesma data, ante o xulgado do contencioso-administrativo competente, segundo o establecido na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 9 de abril de 2012.

Rocío Mosquera Álvarez
Conselleira de Sanidade

ANEXO

Posto: director/a económico- administrativo de Galaria.

Nome e apelidos: Pablo Ponte González.

Centro: Galaria, Empresa Pública de Servizos Sanitarios, S.A.

Localidade: Vigo (Pontevedra).