David Castelo Rodríguez, en representación de Severiano Servicio Móvil, S.A., solicitou desta Alcaldía licenza municipal para almacén central para subministracións hospitalarias, que se situará nas parcelas n.º 1 B, 2 A e 2 B do polígono industrial de Negreira. En cumprimento do disposto no artigo 8.1 do Decreto 133/2008, do 12 de xuño, no que se regula a avaliación de incidencia ambiental, sométese a información pública por un período de vinte días hábiles, co fin de que durante este –que comezará a contarse desde o día seguinte ao da inserción deste edicto no Boletín Oficial da provincia e no Diario Oficial de Galicia– poidan examinar o expediente, na Secretaría deste concello, as persoas que dalgún modo se consideren afectadas polas actividades que se pretende instalar e formular por escrito as reclamacións e observacións que xulguen oportunas.
Negreira, 12 de marzo de 2012.
José Blanco Pazos
Alcalde