De conformidade co establecido no artigo 5.1.º j) da Orde do 15 de xuño de 2009, sobre delegación de competencias en órganos centrais e periféricos do Servizo Galego de Saúde, o director xerente do Hospital da Costa de Burela
ACORDA:
Primeiro. Resolver a convocatoria pública para a provisión dun posto de xefe de sección de Otorrinolaringoloxía do Hospital da Costa de Burela, convocado pola Resolución do 26 de mayo de 2011, segundo a publicación efectuada no DOG n.º 140, do xoves, 21 de xullo de 2011.
Segundo. Unha vez analizadas todas as solicitudes presentadas e comprobado o cumprimento dos requisitos establecidos nas bases da convocatoria, nomear para o posto que se indica a persoa citada no anexo desta resolución.
Terceiro. O profesional nomeado deberá cesar na praza que desempeñe dentro dos tres días hábiles seguintes ao da súa publicación.
Cuarto. A toma de posesión do posto de traballo adxudicado deberá efectuarse dentro dos tres días hábiles seguintes ao do cesamento, se a praza desempeñada e o posto adxudicado son da mesma área de saúde, ou no prazo de quince días hábiles, se son de distinta área de saúde. Para estes efectos, entenderase por praza desempeñada a efectivamente ocupada, con independencia de que sexa en condición de destino definitivo, adscrición ou destino provisorio ou comisión de servizos.
Se así o permiten as necesidades do servizo, e por petición motivada do interesado, os prazos a que se refiren os parágrafos anteriores poderán ser prorrogados polo órgano convocante.
O prazo de toma de posesión e a súa prórroga terán a consideración de servizo activo, e percibiranse os correspondentes haberes de conformidade co que estableza a orde sobre confección de nóminas do persoal ao servizo da Administración autonómica.
Entenderase que solicita a excedencia voluntaria por interese particular, e será declarado nesa situación polo órgano convocante, quen non se incorpore ao posto adxudicado no prazo establecido.
Quinto. Contra esta resolución poderá interporse, nos termos previstos na Lei 30/1992, do 26 de novembro, de réxime xurídico das administracións públicas e do procedemento administrativo común, recurso de alzada ante a Dirección de Recursos Humanos do Servizo Galego de Saúde, no prazo dun mes contado desde o día seguinte ao da súa publicación.
Burela, 14 de marzo de 2012.
José Insua Pernas
Director xerente do Hospital da Costa de Burela
ANEXO
Posto de traballo: (SF-A1-12) xefe de sección de Otorrinolaringoloxía.
Nome e apelidos: José Antonio Fernández Martínez.
DNI: 09378236D.