Fernando Cela Castro solicitou licenza municipal para a construción de nave para gando vacún e balsas de almacenamento de xurro en Santalla. En cumprimento do disposto no artigo 8.3.º do Decreto 133/2008, do 12 de xuño, de avaliación de incidencia ambiental, sométese a información pública polo período de vinte días hábiles co fin de que durante este, que comezará a contarse desde o día seguinte ao da publicación do presente edicto no BOP e no Diario Oficial de Galicia, poidan examinar o expediente, na Secretaría do concello, as persoas que dalgún xeito se consideren afectadas pola actividade que se pretende instalar e formular por escrito as reclamacións ou observacións que xulguen oportunas.

Triacastela, 27 de marzo de 2012.

M. Olga Iglesias Fontal
Alcaldesa