O Tribunal Superior de Xustiza de Galicia, Sala do Contencioso-Administrativo, sección 3.ª, remitiu a esta Administración os oficios polos que se solicitan os expedientes administrativos relativos aos recursos contencioso-administrativos que se sinalan interpostos contra a Resolución do 14 de novembro de 2011, que rexeitaba o recurso de alzada interposto contra a Resolución do 31 de marzo de 2011, do director xeral do IGVS, de incoación de expediente de reversión de terreos transmitidos ao IGVS incluídos no sector 10 do Plan Xeral de Ordenación Municipal da Coruña (Parque Ofimático).

En consecuencia, acórdase nesta data, e de conformidade co disposto no artigo 49 da Lei 29/1998, do 13 de xullo, reguladora da xurisdición contencioso-administrativa, a remisión dos correspondentes expedientes administrativos ao dito tribunal, o cal se notifica para xeral coñecemento de todas as persoas interesadas nos procedementos, que son emprazadas para que poidan comparecer como parte nos autos citados, no Tribunal Superior de Xustiza de Galicia, Sala do Contencioso-Administrativo, sección 3.ª, no prazo de nove días, contados desde o día seguinte ao da publicación desta resolución no Diario Oficial de Galicia.

Santiago de Compostela, 9 de marzo de 2012.

Antonio José Boné Pina
Director xeral do Instituto Galego da Vivenda e Solo