Visto o expediente para outorgamento de autorización administrativa e aprobación do proxecto de execución da instalación eléctrica que a seguir se cita:
Solicitante: BEGASA.
Domicilio social: r/ Cidade de Viveiro, 4-1.º, 27002 Lugo.
Denominación: L.M.T.S. subestación San Cibrao-Hospital de Lugo-subestación San Cibrao-CR Mercedes-obra civil-rolda leste p.q. 1+500 p.q. 2+465.
Situación: concello de Lugo.
Características técnicas:
• Obra civil L.M.T.S. sub. San Cibrao-Hospital de Lugo-CR Mercedes, formada por dous tramos:
– Tramo 1 entre as arquetas 39, situada na glorieta Hospital 2 Sur p.q. 1+500, e a arqueta 26, situada no p.q. 1+950; a canalización está formada por catro tubos de 200 mm e dous de 63 mm, cunha lonxitude de 530 metros.
– Tramo 2 entre as arquetas 26, situada no p.q. 1+950, e a arqueta 49, situada na glorieta estrada-630, p.q. 2+465; a canalización está formada por doce tubos de 200 mm e catro de 63 mm, cunha lonxitude de 495 metros.
Cumpridos os trámites ordenados na Lei 54/1997, do 27 de novembro, e no Real decreto 1955/2000, do 1 de decembro (BOE n.º 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución das devanditas instalacións, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente, independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.
Contra esta resolución poderase interpor recurso de alzada, ante o conselleiro de Economía e Industria, no prazo dun mes contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.
Lugo, 16 de marzo de 2012.
José Manuel Vázquez Leirado
Xefe territorial de Lugo
