Convocada a provisión, polo sistema de libre designación, de dous postos de traballo vacantes nesta consellería, anunciada pola Orde do 17 de outubro de 2011 (Diario Oficial de Galicia número 207, do 28 de outubro), de conformidade co disposto no artigo 29.2 do Decreto lexislativo 1/2008, do 13 de marzo, polo que se aproba o texto refundido da Lei da función pública de Galicia, e nos artigos 16 e 17 do Decreto 93/1991, do 20 de marzo, e no uso das facultades conferidas polo artigo 17.4 do referido decreto lexislativo, esta consellería
DISPÓN:
Primeiro. Resolver a convocatoria pública para a provisión, polo sistema de libre designación, de dous postos de traballo vacantes nesta consellería, anunciados pola Orde do 17 de outubro de 2011 (Diario Oficial de Galicia número 207, do 28 de outubro).
Segundo. Declarar desertos os postos de traballo que se indican:
Código do posto: MR.C07.00.002.15770.001.
Denominación: subdirector/a xeral de Defensa contra Incendios Forestais.
Nivel: 30.
Dependencia: Secretaría Xeral do Medio Rural e Montes.
Localidade: Santiago de Compostela.
Código do posto: MR.C99.10.901.27001.001.
Denominación: xefe/a do Servizo de Prevención e Defensa contra Incendios Forestais.
Nivel: 28.
Dependencia: Xefatura Territorial de Lugo.
Localidade: Lugo.
Terceiro. Contra esta orde, que esgota a vía administrativa, os/as interesados/as poderán interpoñer recurso potestativo de reposición, perante esta consellería, no prazo dun mes contado desde o día seguinte ao da súa publicación no Diario Oficial de Galicia, de conformidade co establecido na Lei 30/1992, do 26 de novembro, na súa nova redacción dada pola Lei 4/1999, do 13 de xaneiro, ou poderán impugnala directamente, perante o xulgado do contencioso-administrativo competente, no prazo de dous meses contados a partir da mesma data, segundo o establecido na Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 21 de marzo de 2012.
Rosa M.ª Quintana Carballo
Conselleira do Medio Rural e do Mar
