Marta Yanguas del Valle, secretaria de reforzo do Xulgado do Social número 3 da Coruña, fai saber que nos autos rexistrados co número 1211/2009, se ditou a resolución cuxo encabezamento e resolución son como segue:

«Sentenza.

A Coruña, 9 de marzo de 2012.

Ana Rodríguez Piorno, maxistrada xuíza do Xulgado do Social número 3 (reforzo) da Coruña, ditou esta resolución nos autos de procedemento sobre reclamación de cantidade 1211/2009, en que foi demandante Álvaro Rodríguez Sánchez, asistido polo letrado Sr. Trashorras López, e demandada a empresa Especial Performance, S.L. da mesma maneira citouse o Fondo de Garantía Salarial (Fogasa).

Dispoño que debo estimar e estimo a demanda interposta por Álvaro Rodríguez Sánchez contra a empresa Especial Performance, S.L. e, en consecuencia, condeno a esta última a aboar a Álvaro Rodríguez Sánchez a cantidade de 12.349,58 euros que lle debe. Esta cantidade deberase incrementar co xuro de mora do 10%.

Non procede a condena do Fondo de Garantía Salarial nesta instancia, sen prexuízo da responsabilidade que se lle poida imputar con posterioridade.

Notifíquese esta sentenza ás partes.

Contra esta resolución cabe interpor recurso de suplicación ante o Tribunal Superior de Xustiza de Galicia, que deberá ser anunciado no prazo dos cinco días seguintes ao da notificación desta sentenza.

Así o pronuncio, mando e asino.

Publicación. A anterior sentenza leuna e publicouna a maxistrada xuíza que a subscribe no día da súa data, do que eu, secretaria xudicial, dou fe».

E para que lle sirva de notificación a Especial Performance, S.L. expídese esta cédula para a súa publicación no Diario Oficial de Galicia e colocación no taboleiro de anuncios.

A Coruña, 13 de marzo de 2012.

A secretaria xudicial
Rubricado