O acordo de concentración parcelaria da zona de Bogo (A Pontenova, Lugo) foi aprobado pola Dirección Xeral de Estruturas e Infraestruturas Agrarias con data do 10 de abril de 2007, foi publicado na forma legalmente prevista na lexislación vixente e na actualidade encóntranse pendente de firmeza.
Con posterioridade a estes actos o Concello da Pontenova solicita a cesión en propiedade do predio n.º 3 para construción dunha capela e mellora do entorno no lugar dos Teixedais.
Visto o informe favorable da Xunta Local da zona, a Lei de reforma e desenvolvemento agrario, do 12 de xaneiro de 1973; a Lei 10/1985, do 14 de agosto, de concentración parcelaria para Galicia, modificada pola Lei 12/2001, do 10 de setembro; a Lei 6/2011, do 13 de outubro, de mobilidade de terras; a Lei 30/1992, do 26 de noviembre, de régimen xurídico das administracións públicas e do procedemento administrativo común, na súa redacción segundo a Lei 4/1999, do 13 de xaneiro, e demais disposicións legais vixentes de aplicación ao caso.
Á vista de que o destino para o que se solicita o predio n.º 3 é perfectamente subsumible no suposto recollido no artigo 32 da antedita lei galega, esta dirección xeral resolve:
1. Modificar o acordo de concentración parcelaria da zona de Bogo (A Pontenova, Lugo) e adxudicar ao Concello da Pontenova o predio n.º 3 que causa baixa no Fondo de Terras da zona, co fin de ser destinado á construción dunha capela no lugar dos Teixedais e mellora do seu contorno.
2. En caso de incumprimento do fin para o que é cedida, a titularidade do referido predio reverterá ao Fondo de Terras da zona, ao Patrimonio da Comunidade Autónoma, ou á Axencia Galega de Desenvolvemento Rural (Agader), segundo o caso.
Contra esta resolución pódese interpoñer recurso de alzada ante a conselleira do Medio Rural e do Mar no prazo dun mes contado a partir do día seguinte a aquel en que sexa publicada esta resolución no Diario Oficial de Galicia.
Lugo, 8 de marzo de 2012.
José Ramón Losada Fernández
Xefe territorial de Lugo