José Manuel López Rodríguez, en representación de Avícola das Mámoas, S.C. solicitou licenza municipal para a construción de nave avícola para ceba de polos que se situará na Broza, polígono 71, parcela 71.
En cumprimento do disposto no Decreto 133/2008, do 12 de xuño, polo que se regula a avaliación de incidencia ambiental, sométese a información pública por un prazo de vinte días hábiles –que comezará a contarse desde o día seguinte ao da inserción do presente edicto no Boletín Oficial da provincia e no Diario Oficial de Galicia– para que todas as persoas que se encontren afectadas poidan examinar o expediente na Secretaría deste concello, e formular por escrito as reclamacións ou observacións que xulguen oportunas.
O presente anuncio servirá de notificación a todos aqueles lindeiros aos cales non se puido practicar a notificación, de conformidade co disposto no artigo 59.5 da Lei 30/1992, do 26 de novembro.
O Saviñao, 12 de marzo de 2012.
Joaquín González González
Alcalde