De conformidade co establecido no artigo 29.2 do Decreto lexislativo 1/2008, do 13 de marzo, polo que se aproba o texto refundido da Lei da función pública de Galicia, e en uso das atribucións conferidas polo artigo 17.4 da mesma lei, esta consellería
DISPÓN:
Primeiro. Anunciar a convocatoria para cubrir, polo sistema de libre designación, os postos de traballo que se indican no anexo I.
Segundo. Poderán concorrer a ela os funcionarios de carreira que reúnan as condicións sinaladas no anexo I.
Terceiro. As solicitudes para participar nesta convocatoria dirixiranse por escrito á conselleira de Sanidade (edificio administrativo San Lázaro, s/n, 15703 Santiago de Compostela), segundo o modelo que se inclúe como anexo II a esta orde.
As ditas solicitudes poderanse presentar no Rexistro Xeral da Consellería de Sanidade, nos das súas xefaturas territoriais, nos das direccións provinciais do Servizo Galego de Saúde ou en calquera das oficinas previstas no artigo 38.4 da Lei 30/1992, do 26 de novembro, de réxime xurídico das administracións públicas e do procedemento administrativo común (modificada pola Lei 4/1999, do 13 de xaneiro), no prazo de quince días hábiles, contados a partir do seguinte ao da publicación desta orde no Diario Oficial de Galicia.
Cuarto. Os aspirantes deberán unirlle á petición currículum vitae e xustificar documentalmente os méritos que aleguen.
Os méritos alegados e non probados da maneira que se sinala non se terán en conta.
Quinto. Esta convocatoria será resolta pola Consellería de Sanidade. A resolución farase pública no Diario Oficial de Galicia e poderá declararse deserta, de considerarse oportuno.
Sexto. O nomeamento dun funcionario con destino definitivo noutra Administración pública ou que preste os seus servizos na Comunidade Autónoma como consecuencia dunha comisión de servizos concedida conforme o disposto na disposición transitoria oitava, punto 4.º, da Lei 30/1984, do 2 de agosto, que resulte seleccionado para ocupar o posto de traballo anunciado estará condicionado a que a súa Administración emita informe favorable sobre el, conforme o previsto no Real decreto 28/1990, do 15 de xaneiro, e demais disposicións concordantes.
Sétimo. O prazo de toma de posesión será de tres días, se o destino anterior está na mesma localidade que a do novo destino, e dun mes, se están en localidade distinta ou comporta o reingreso ao servizo activo.
O prazo de toma de posesión empezará a contarse a partir do día seguinte ao do cesamento, que deberá producirse dentro dos tres días seguintes ao da publicación da resolución no Diario Oficial de Galicia.
Se a resolución comporta o reingreso ao servizo activo, o prazo de toma de posesión empezará a contarse a partir do día seguinte ao da súa publicación no Diario Oficial de Galicia.
Oitavo. Contra esta orde, que pon fin á vía administrativa, poderá interpoñer potestativamente recurso de reposición ante este mesmo órgano, no prazo dun mes contado a partir do día seguinte ao da súa publicación. De non estimar a interposición deste recurso poderá interpoñer recurso contencioso-administrativo ante o xulgado competente, no prazo de dous meses contados a partir do día seguinte ao da súa publicación.
Santiago de Compostela, 13 de marzo de 2012.
Rocío Mosquera Álvarez
Conselleira de Sanidade
ANEXO I
Denominación do posto: Xefatura do Servizo de Control de Riscos Ambientais.
Código do posto: CSA991000532001001.
Dependencia: Xefatura Territorial.
Localidade: Ourense.
Tipo do posto: S.
Grupo: A1.
Nivel C.D.: 28.
Complemento específico: 14.604,66 €.
Corpo ou escala: 1.2/7/9 estatutario sanitario.
Denominación do posto: Xefatura do Servizo de Xestión.
Código do posto: SAC991000132001001.
Dependencia: Xefatura Territorial.
Localidade: Ourense.
Tipo do posto: S.
Grupo: A1.
Nivel C.D.: 28.
Complemento específico: 14.604,66 €.
Corpo ou escala: xeral/estatutario Sergas.
Adscrición a administracións públicas: A 16.
Titulación académica: 2062.
Formación específica: 640.
