En xuño de 2009 Augas de Galicia elaborou o documento Anteproxecto de construción e explotación da estación depuradora de augas residuais de Ribeira (OH.315.933), e presentou con data 1 de xullo de 2009, á Secretaría Xeral de Calidade e Avaliación Ambiental da Consellería de Medio Ambiente, Territorio e Infraestruturas, a solicitude de cualificación ambiental ao tratarse dunha actuación recollida no anexo II do Real decreto lexislativo 1/2008, do 11 de xaneiro, polo que se aproba o texto refundido da Lei de avaliación de impacto ambiental de proxectos.
Finalizado o prazo legalmente establecido para o dito procedemento, a mencionada secretaría xeral emite a Resolución do 23 de outubro 2009 en que cualifica a actuación como sometida ao trámite de avaliación de impacto ambiental e define o alcance para a redacción do estudo de impacto ambiental.
As obras de execución da estación depuradora de augas residuais de Ribeira deséñanse cunha capacidade próxima aos 39.000 habitantes-equivalentes, obras que permitirán mellorar a situación actual de saneamento na zona, permitindo así garantir a eficacia na prestación do servizo público de saneamento e depuración de augas residuais. A totalidade das actuacións localízanse no concello de Ribeira.
Durante os dous últimos anos a Consellería de Medio Ambiente, Territorio e Infraestruturas, a través de Augas de Galicia, elaborou o denominado Plan de saneamento da ría de Arousa. Marxe dereita. Concellos de Ribeira e A Pobra do Caramiñal. Como resultado destes traballos a Consellería de Medio Ambiente, Territorio e Infraestruturas posúe un alto grao de coñecemento e información da situación actual no ámbito do saneamento no concello de Ribeira.
Tendo en consideración o alcance para a redacción do estudo de impacto ambiental definido pola Secretaría Xeral de Calidade e Avaliación Ambiental da Consellería de Medio Ambiente, Territorio e Infraestruturas e o grao de coñecemento e información da situación actual no ámbito do saneamento no concello de Ribeira obtido a través do Plan de saneamento da ría de Arousa. Marxe dereita. Concellos de Ribeira e A Pobra do Caramiñal, en xaneiro de 2012 Augas de Galicia elabora o estudo de impacto ambiental.
Augas de Galicia, como órgano substantivo, debe someter a información pública o mencionado estudo de impacto ambiental, de conformidade co disposto no Real decreto lexislativo 1/2008, do 11 de xaneiro, polo que se aproba o texto refundido da Lei de avaliación de impacto ambiental de proxectos, na Lei 1/1995, do 2 de xaneiro, de protección ambiental de Galicia e no Decreto 442/1990, do 13 de setembro, de avaliación do impacto ambiental para Galicia.
O órgano ambiental competente para resolver o procedemento de avaliación de impacto ambiental é a Secretaría Xeral de Calidade e Avaliación Ambiental da Consellería de Medio Ambiente, Territorio e Infraestruturas e o órgano competente para resolver sobre a aprobación do anteproxecto de construción e explotación da estación depuradora de augas residuais de Ribeira é Augas de Galicia.
As decisións que se adopten serán da Secretaría Xeral de Calidade e Avaliación Ambiental da Consellería de Medio Ambiente, Territorio e Infraestruturas da Xunta de Galicia respecto da formulación da declaración de impacto ambiental.
Considerando o exposto anteriormente, a Dirección de Augas de Galicia, ao abeiro das facultades que lle confire a Lei 9/2010, do 4 de novembro, de augas de Galicia, e o Decreto 32/2012, do 12 de xaneiro, polo que se aproba o Estatuto da entidade pública empresarial Augas de Galicia,
RESOLVE:
Primeiro. Someter ao trámite de información pública o estudo de impacto ambiental do anteproxecto de construción e explotación da estación depuradora de augas residuais de Ribeira. Concello de Ribeira (A Coruña). Clave do expediente 2009/0176.
Segundo. Que o período de información pública será de 30 días hábiles, contados a partir do día seguinte ao da publicación desta resolución no Diario Oficial de Galicia, prazo en que as persoas e/ou entidades que o consideren oportuno poderán presentar cantas alegacións ou observacións estimen oportunas, por escrito dirixido á Dirección de Augas de Galicia no rexistro do ente, na rúa Doutor Maceira 18 baixo, 15706 Santiago de Compostela.
Terceiro. Que o estudo de impacto ambiental estará á disposición do público interesado e en días hábiles na Área Técnica (rúa Doutor Maceira, 18 baixo, 15706 Santiago de Compostela) e na Zona Hidrográfica Galicia-Centro (rúa Tomiño, 16, 15781 Santiago de Compostela) de Augas de Galicia; na Subdirección Xeral de Avaliación Ambiental da Secretaría Xeral de Calidade e Avaliación Ambiental (San Lázaro, s/n, 15781 Santiago de Compostela) e no Servizo de Calidade e Avaliación Ambiental da Xefatura Territorial da Coruña (Praza Luis Seoane, s/n, 15008 A Coruña) da Consellería de Medio Ambiente, Territorio e Infraestruturas e no Concello de Ribeira (Praza do Concello, n.º 1, 15960 Ribeira). Ademais, poderá consultarse no enderezo http://augasdegalicia.xunta.es/
O que se fai público para todos os efectos legais e regulamentarios de aplicación na materia e para o seu coñecemento xeral.
Santiago de Compostela, 14 de marzo de 2012.
Francisco Menéndez Iglesias
Director de Augas de Galicia
