O secretario xeral técnico da Consellería do Medio Rural e do Mar, para os efectos previstos nos artigos 8 e 9 do Regulamento (CE) n.º 1828/2006, da Comisión, do 8 de decembro de 2006, acordou dar publicidade do cofinanciamento pola Unión Europea a través do Fondo Europeo de Desenvolvemento Rexional (Feder) e do Fondo Europeo Agrícola de Desenvolvemento Rexional (Feader), no marco do Programa operativo Feder Galicia 2007-2013, dos seguintes contratos:

– Subministración de sesenta e dous (62) vehículos todoterreo en réxime de alugamento para os servizos de prevención e defensa contra os incendios forestais, proposta 512/08-I (expediente 2/2009), licitada mediante Resolución do 7 de xaneiro de 2009, publicada no Diario Oficial de Galicia (DOG) núm. 9, do 14 de xaneiro, adxudicado pola Resolución do 26 de agosto de 2009, publicada no DOG núm. 185, do 21 de setembro, e financiado con fondos Feader nun 57,56%, eixe 2, medida 2.2.6.

– Once (11) servizos técnicos relativos aos traballos preparatorios necesarios a cada fase do proceso de concentración parcelaria (expediente 4/2009), licitada mediante Resolución do 15 de xaneiro de 2009, publicada no DOG núm. 20, do 29 de xaneiro, adxudicados pola Resolución do 26 de agosto de 2009, publicada no DOG núm. 184, do 18 de setembro, e financiados con fondos Feader nun 57,56%, eixe 1, medidas 1.2.5.

– Subministración de sesenta e un (61) vehículos todoterreo en réxime de alugamento para os servizos de prevención e defensa contra os incendios forestais, proposta 009/09-I (expediente 17/2009), licitada mediante a Resolución do 5 de maio de 2009, publicada no DOG núm. 90, do 11 de maio, e adxudicada pola Resolución do 26 de agosto de 2009, publicada no DOG núm. 184, do 18 de setembro de 2009, e financiada con fondos Feader nun 57,56%, eixe 2, medida 2.2.6.

– Vinte e unha (21) obras de tratamentos silvícolas e repoboacións (expediente 32/2009), licitados mediante Resolución do 24 de xuño de 2009, publicada no DOG núm. 128, do 2 de xullo, adxudicados pola Resolución do 4 de xaneiro de 2010, publicada no DOG núm. 13, do 21 de xaneiro, e financiados con fondos Feader nun 57,56%, eixe 1, medida 1.2.2.

– Servizo para o inventario do hábitat fluvial, os hábitats de interese comunitario, a análise dos peixes migratorios e a ordenación do seu aproveitamento no Baixo Miño (expediente 78/2009), licitado mediante Resolución do 18 de decembro de 2009, publicada no DOG núm. 250, do 24 de decembro, adxudicado pola Resolución do 5 de abril de 2010, publicada no DOG núm. 83, do 4 de maio, e financiado con fondos Feder nun 75%, eixe 2, medida 56.

– Servizo para a execución de accións de estudo, conservación e seguimento dos mamíferos mariños en Galicia (expediente 7/2010), licitada mediante Resolución do 30 de marzo de 2010, publicada no DOG núm. 64, do 7 abril, adxudicado pola Resolución do 29 de xullo de 2010, publicada no DOG núm. 162 , do 24 de agosto, e financiado con fondos Feder nun 70%, eixe 3, tema prioritario 51.

– Servizo para a execución de accións de seguimento, conservación e divulgación previsto no Plan de Recuperación do Oso Pardo en Galicia (expediente 8/2010), licitado mediante Resolución do 8 de abril de 2010, publicada no DOG núm. 69, do 14 de abril, adxudicado pola Resolución de 29 de xullo de 2010, publicada no DOG núm. 162, do 24 de agosto, e financiado con fondos Feder nun 70%, eixe 3, tema prioritario 51.

– Dezanove (19) obras de prevención de incendios forestais (expediente 11/2010), licitadas mediante Resolución do 11 de maio de 2010, publicada no DOG núm. 91, do 14 de maio, adxudicadas pola Resolución do 24 de novembro de 2010, publicada no DOG núm. 239, do 15 de decembro, e financiadas con fondos Feader nun 57,56%, eixe 2, medida 2.2.6.

– Vinte e catro (24) obras en varios distritos forestais (expediente 32/2010), licitadas mediante Resolución do 16 de xuño de 2010, publicada no DOG núm. 116, do 21 de xuño, adxudicadas pola Resolución do 24 do novembro de 2010, publicada no DOG núm. 239, do 15 de decembro, e financiadas con fondos Faeder nun 57,56%, eixe 2, medida 2.2.6.

– Seis (6) servizos relativos aos traballos preparatorios necesarios a cada fase do proceso de concentración parcelaria (Lei 12/2001) (expediente 39/2010), licitados mediante Resolución do 27 de xullo de 2010, publicada no DOG núm. 147, do 3 de agosto, adxudicados pola Resolución do 13 de xaneiro de 2011, publicada no DOG núm. 21, do 1 de febreiro, e financiados con fondos Feader nun 57,56%, eixe 1, medida 1.2.5.

– Seis (6) servizos relativos aos traballos preparatorios necesarios a cada fase do proceso de concentración parcelaria (Lei 12/2001) (expediente 23/2011), licitados mediante Resolución do 10 de xuño de 2011, publicada no DOG núm. 115, do 16 de xuño, e financiados con fondos Feader nun 57,56%, eixe 1, medida 1.2.5.

– Servizo de avaliación do estado de conservación da saboga no río Ulla e postavaliación dos plans de xestión da anguía de Galicia Costa e do tramo internacional do Baixo Miño (34/2011), licitado mediante Resolución do 11 de novembro de 2011, publicada no Diario Oficial de Galicia núm. 220, do 17 de novembro, e financiado con fondos Feder nun 70%, eixe 3, tema prioritario 51.

Santiago de Compostela, 5 de marzo de 2012.

P.D. (Orde 20.1.2012; DOG n.º 16, do 24 de xaneiro)
Francisco José Vidal-Pardo Pardo
Secretario xeral técnico da Consellería do Medio Rural e do Mar