O Concello Pleno, en sesión ordinaria do 26 de xaneiro de 2012, acordou resolver as alegacións presentadas e aprobar a rede de camiños públicos de titulariedade municipal.

Contra este acordo, que pon fin á vía administrativa, poderá interpor recurso contencioso-administrativo, perante o Xulgado ou Sala do Contencioso-Administrativo do Tribunal Superior de Xustiza de Galicia, de conformidade cos artigos 8, 9 e 10 da Lei 29/1998, do 13 de xullo, reguladora da xurisdición contencioso-administrativa no prazo de dous meses. Previa e potestativamente poderá interpor recurso de reposición, de conformidade co artigo 116 da Lei 30/1992, no prazo dun mes. Tamén poderá interpor o recurso extraordinario de revisión cando concorra algunha das circunstancias previstas no artigo 118 da Lei 30/1992, do 26 de novembro, pola que se aproba o réxime xurídico das administracións públicas e do procedemento administrativo común, nos prazos establecidos no punto 2 do mesmo artigo 118. Todo isto sen prexuízo do dereito dos interesados a formular a solicitude e a instancia a que se refiren os artigos 102.1) e 105.2) da devandita lei.

Oleiros, 15 de febreiro de 2012.

Ángel García Seoane
Alcalde presidente