Convocada por Resolución do 28 de outubro de 2011 da Xerencia do Complexo Hospitalario Universitario de Vigo (DOG n.º 224, do 23 de novembro), o procedemento para a reavaliación do posto de persoal licenciado sanitario da xefatura do Servizo de Rehabilitación deste complexo hospitalario, esta xerencia, de conformidade coa competencia atribuída no artigo 3 da Orde da Consellería de Sanidade do 24 de maio de 2006 (DOG n.º 106, do 5 de xuño),
DISPÓN:
Primeiro. Resolver a prórroga do nomeamento para o posto de xefe do Servizo de Rehabilitación do Complexo Hospitalario Universitario de Vigo, convocada pola Resolución do 28 de outubro de 2011.
Segundo. Prorrogar o nomeamento para o posto que se indica da persoa citada no anexo desta resolución, por un período de catro anos. Cando remate este prazo realizarase un novo procedemento de reavaliación.
Terceiro. A prórroga terá a consideración de servizo activo e percibiranse os correspondentes haberes de conformidade co que estableza a orde sobre a confección de nóminas do persoal ao servizo da Administración autonómica.
Cuarto. Contra esta resolución poderá interpoñerse recurso de alzada perante a Dirección de Recursos Humanos do Servizo Galego de Saúde, no prazo dun mes contado a partir do día seguinte ao da súa publicación, nos termos dos artigos 114 e 115 da Lei 30/1992, do 26 de novembro, de réxime xurídico das administracións públicas e do procedemento administrativo común, segundo a redacción dada pola Lei 4/1999, do 13 de xaneiro.
Vigo, 2 de febreiro de 2012.
Francisco A. Soriano Paredes
Xerente do Complexo Hospitalario Universitario de Vigo
ANEXO
Denominación do posto: xefe do Servizo de Rehabilitación do Complexo Hospitalario Universitario de Vigo.
Nome e apelidos: Francisco Javier Juan García.
DNI: 35413045-Z.