Unha vez realizado o acto de elección de destino definitivo da aspirante que de acordo coa Orde do 17 de novembro de 2011 (DOG núm. 225, do 24 de novembro) superou o proceso selectivo para o acceso a categoría de titulado/a superior (004), do grupo I, en execución da sentenza do 10 de decembro de 2010 ditada polo Xulgado do Contencioso-Administrativo número 2 da Coruña no procedemento abreviado 321/2010, esta consellería
DISPÓN:
Primeiro. Nomear persoal laboral fixo da categoría de titulado/a superior (004), do grupo I, a aspirante que superou o proceso selectivo en execución da Sentenza do 10 de decembro de 2010 ditada polo Xulgado do Contencioso-Administrativo número 2 da Coruña no procedemento abreviado 321/2010.
Segundo. Adxudicar a dita aspirante como destino definitivo o posto de traballo que figura no anexo de acordo coa elección de destino realizada o 29 de febreiro de 2012.
Terceiro. A persoa nomeada disporá do prazo dun mes para tomar posesión do seu destino, de conformidade co disposto no artigo 13 do Convenio colectivo único para o persoal laboral da Xunta de Galicia.
O prazo de toma de posesión comezará a computarse a partir do día seguinte ao da publicación desta orde no Diario Oficial de Galicia.
Cuarto. Contra esta orde, que pon fin á vía administrativa, poderase interpoñer, con carácter potestativo, recurso de reposición perante a conselleira de Facenda no prazo dun mes contado desde o día seguinte ao da súa publicación, ou directamente recurso contencioso-administrativo, no prazo de dous meses contados desde esa mesma data, ante o Xulgado do Contencioso-Administrativo de Santiago de Compostela, conforme o disposto na Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 29 de febreiro de 2012.
Elena Muñoz Fonteriz
Conselleira de Facenda
ANEXO
N.º |
DNI |
Apelidos e nome |
Código do posto |
Cons. |
Denominación |
Categ. |
Centro |
Centro |
Concello |
(Grupo) |
|||||||||
1 |
44088257-V |
Muñiz Rial, María del Mar |
TRC991000036560766 |
TR |
Titulado/a superior |
004 (I) |
Xefatura Territorial Vigo |
Servizos periféricos |
Vigo |