Julio Miranda Álvarez, en representación de Conforto, C.B., solicitou a licenza para a construción dunha nave destinada a almacén de materiais de construción, na parcela número 28 do polígono industrial da Pontenova, sometida a avaliación de incidencia ambiental, e neste concello estase a tramitar o oportuno expediente.
En cumprimento do disposto no punto 3 do artigo 8 do Decreto 133/2008, do 12 de xuño, polo que se regula a avaliación de incidencia ambiental, sométese a información pública por un período de vinte días hábiles, co fin de que durante este tempo, que comezará a contarse desde o día seguinte ao da inserción deste edicto no Boletín Oficial da provincia de Lugo e no Diario Oficial de Galicia, poidan examinar o expediente, na Secretaría deste concello, as persoas que dalgún xeito se consideren afectadas pola actividade que se pretende instalar e formular por escrito as reclamacións ou observacións que consideren oportunas.
A Pontenova, 28 de outubro de 2011.
Darío Campos Conde
Alcalde presidente