Visto o expediente para outorgamento de autorización administrativa e de aprobación do proxecto de execución da instalación eléctrica que a seguir se cita:

Solicitante: Unión Fenosa Distribución, S.A.

Domicilio social: avda. de Arteixo, 171, 15007 A Coruña.

Denominación: L.M.T.S., C.T.C. rúa Irmandade de Doadores de Ferrolterra.

Situación: concello de Ferrol.

Características técnicas:

Liña eléctrica de media tensión subterránea (L.M.T.S.) a 15/20 kV, cunha lonxitude de 0,216 km, coa orixe nos empalmes proxectados na L.M.T.S. SMR-729 existente no tramo entre o C.D. aparcamento residencia (expediente IN407A 2001/540) e o C.S. Arquitecto Marcide (expediente IN407A 2005/181), en condutor tipo R.H.Z.1-2OL-12/20 kV-3(1×240) mm2 Al, e final na mesma liña unha vez entre e saia do C.T.C. rúa Irmandade de Doadores de Ferrolterra proxectado.

Centro de transformación (C.T.) prefabricado, cunha potencia de 400 kVA e unha relación de transformación de 15/0,40-0,23 kV, para alimentación da nova demanda de enerxía eléctrica do Centro de Educación Especial Terra de Ferrol, situado na rúa Irmandade de Doadores de Ferrolterra en San Pedro de Leixa. Concello de Ferrol.

Cumpridos os trámites ordenados na Lei 54/1997, do 27 de novembro (BOE n.º 285), do sector eléctrico, e no título VII, capítulo II do Real decreto 1955/2000, do 1 de decembro (BOE n.º 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:

Autorizar e aprobar o proxecto de execución da dita instalación, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación.

Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e ao ambiente.

A instalación executarase nun prazo non superior a un ano, contado a partir da data desta resolución.

Contra esta resolución poderase interpor recurso de alzada ante o conselleiro de Economía e Industria no prazo dun mes contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.

A Coruña, 13 de febreiro de 2012.

Por vacante (Artigo 39.3 do Decreto 324/2009, DOG n.º 117, do 17 de xuño)
Isidoro Martínez Arca
Xefe do Servizo de Administración Industrial