Mediante Resolución desta alcaldía n.º 747, do 22 de febreiro de 2012, acordouse aprobar inicialmente a modificación do estudo de detalle do ámbito zonal M-1, parcelas 1011/1013, do P.P. SUP.1-R Carballido, en Perillo.

De conformidade co artigo 86.2 da Lei 9/2002, modificada pola Lei 2/2010, de ordenación urbanística e protección do medio rural de Galicia, o expediente estará exposto ao público na Área de Urbanismo do Concello de Oleiros, das 8.30 ás 13.00 horas, polo prazo de vinte días, para os efectos de presentación das alegacións que se consideren oportunas.

Oleiros, 27 de febreiro de 2012.

Ángel García Seoane
Alcalde presidente