Por Resolución da Dirección de Recursos Económicos do Servizo Galego de Saúde do 27 de febreiro de 2012, acordouse a renuncia, por razóns de interese público, a continuar co procedemento de contratación relativo á subministración enerxética prestacional e do servizo de mantemento e conservación de edificios, instalacións e equipamentos do Hospital Arquitecto Marcide e do Hospital Naval de Ferrol (AB-SER3-12-002). A dita licitación foi publicada no DOG número 9, do 13 de xaneiro de 2012, no BOE número 32, do 7 de febreiro, e no DOUE 2012/S 8-012097, do 13 de xaneiro.
O expediente tramitouse segundo o previsto no artigo 155 do Real decreto lexislativo 3/2011, do 14 de novembro, polo que se aproba o texto refundido da Lei de contratos do sector público.
Unha vez adaptados os pregos de contratación á situación resultante da aplicación do Real decreto lei 1/2012, do 27 de xaneiro, polo que se procede á suspensión dos procedementos de preasignación de retribución e á supresión dos incentivos económicos para novas instalacións de produción de enerxía eléctrica a partir de coxeneración, fontes de enerxía renovables e residuos (BOE número 24, do 28 de xaneiro de 2012), procederase a unha nova licitación.
Santiago de Compostela, 28 de febreiro de 2012.
Pablo Torres Arrojo
Director de Recursos Económicos