Con motivo da ausencia da conselleira do Medio Rural e do Mar durante os días 4 ao 14 de marzo faise necesario prover a súa substitución ata o seu regreso.
Polo tanto, en uso das atribucións que me confire o artigo 26.7.º da Lei 1/1983, do 22 de febreiro, de normas reguladoras da Xunta e da súa Presidencia,
DISPOÑO:
Como consecuencia da ausencia da súa titular, encárgaselle o despacho dos asuntos da Consellería do Medio Rural e do Mar ao conselleiro de Presidencia, Administracións Públicas e Xustiza desde o día 4 de marzo ata o 14 de marzo, ambos inclusive.
Santiago de Compostela, vinte e nove de febreiro de dous mil doce.
Alberto Núñez Feijóo
Presidente