Para os efectos previstos na Lei 54/1997, do 27 de novembro, do sector eléctrico (BOE número 285) e polo Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalación de enerxía eléctrica (BOE número 310), sométese a información pública a solicitude de declaración de utilidade pública, en concreto, das instalacións eléctricas que se citan:
Peticionaria: Solidaridad Solar, S.L.
Enderezo: Pol. Ind. O Peago, 19 Escairón. C.P. 27540 O Saviñao (Lugo).
Denominación: instalación solar fotovoltaica Seteventos I (2,9 MW).
Situación: concellos do Saviñao e Pantón (Lugo).
A citada instalación de xeración de enerxía eléctrica, xunto coa súa liña de evacuación, foi autorizada administrativamente, aprobada e incluída no réxime especial de produción de enerxía eléctrica mediante resolución da Dirección Xeral de Industria, Enerxía e Minas, con data do 11 de decembro de 2009 (DOG número 49, do 12 de marzo de 2010).
Por Resolución do 21 de outubro de 2011, desta xefatura territorial, autorizouse e aprobouse o modificado da liña de evacuación da instalación (exp. IN 407A 2011/72-2, 7910 A.T.), (DOG número 220, do 17 de novembro).
A declaración de utilidade pública que agora se solicita para esas instalacións e as súas liñas de evacuación, de acordo co artigo 51 da Lei do sector eléctrico e o artigo 143 do seu regulamento, levará implícita, en todo caso, segundo o sinalado no artigo 54 da citada Lei 54/1997, a necesidade de ocupación dos bens ou de adquisición dos dereitos afectados e implicará a urxente ocupación para os efectos do artigo 52 da Lei do 16 de decembro de 1954, de expropiación forzosa (BOE número 351).
A relación concreta e individualizada dos bens e dereitos afectados que se consideran de necesaria expropiación figuran no anexo que se insire xunto con esta resolución.
Todas aquelas persoas ou entidades que se consideren afectadas poderán examinar o expediente e presentar as súas alegacións dirixidas a esta xefatura territorial, situada no edificio administrativo da Xunta de Galicia, rolda da Muralla 70, 27071 Lugo, no prazo de vinte días hábiles contados desde o día seguinte ao da última publicación ou ao da notificación individual.
Esta publicación realízase igualmente para os efectos do artigo 59.4 da Lei 30/1992, do 26 de novembro, de réxime xurídico das administración públicas e do procedemento administrativo común (modificada pola Lei 4/1999, do 13 de xaneiro) cando os titulares dos predios propostos sexan descoñecidos, non se saiba o lugar de notificación, ou ben, tentada a notificación, non se puidera realizar e así dirixirlle ao Ministerio Fiscal as dilixencias que se produzan, de conformidade co artigo 5 da Lei de expropiación forzosa, do 16 de decembro de 1954.
Lugo, 20 de febreiro de 2012.
José Manuel Vázquez Leirado
Xefe territorial de Lugo
ANEXO
Relación de propietarios, bens e dereitos afectados
Concello de Pantón. Provincia de Lugo.
Expropiación en pleno dominio |
Afeccións |
|||||||
N.º predio |
Pol. |
Parc. |
Lugar |
Superficie |
Cultivo |
Nome e apelidos |
Enderezo |
Pleno dominio |
1 |
27 |
293 |
Viña da Aira |
5.934 m2 |
Matogueira |
José María Beltrán Mosquera Emilio Beltrán Valcarce |
Rúa Chantada 150, Monforte de Lemos Rúa Benito Vicetto 70, Monforte de Lemos |
5.934 m2 |