Na sesión que tivo lugar o día 2 de febreiro de 2012, o tribunal nomeado pola Orde do 11 de maio de 2011 (DOG número 95, do 18 de maio) para cualificar o proceso selectivo para o ingreso, pola quenda de promoción interna e cambio de categoría, na categoría 31 (legoeiro/a) do grupo IV de persoal laboral fixo da Xunta de Galicia, convocado pola Orde do 27 de decembro de 2010 (DOG número 1, do 3 de xaneiro de 2011), de conformidade co disposto nas bases da convocatoria, adoptou os seguintes acordos:

Primeiro. Logo de ver as reclamacións presentadas contra o baremo provisional da fase de concurso e revisar toda a documentación presentada polos/as reclamantes, efectuar as oportunas correccións ás puntuacións provisionais.

Segundo. Facer público, como anexo a esta resolución, o baremo definitivo da fase de concurso con indicación da puntuación obtida polos aspirantes en cada epígrafe, de acordo co disposto na base II.3.5 da convocatoria.

Terceiro. De acordo co disposto nas bases II.3.5 e III.13 da convocatoria, contra estes acordos poderá interpoñerse recurso de alzada ante a conselleira de Facenda no prazo dun mes, contado a partir do día seguinte ao da súa publicación no Diario Oficial de Galicia, conforme o previsto nos artigos 114 e seguintes da Lei 30/1992, do 26 de novembro, de réxime xurídico das administracións públicas e do procedemento administrativo común.

Santiago de Compostela, 6 de febreiro de 2012.

Marcos Buide Pollán
Presidente do tribunal

ANEXO
Puntuacións definitivas obtidas na fase de concurso do proceso selectivo para o ingreso, pola quenda de promoción interna e cambio de categoría, na categoría 31 (legoeiro/a)
do grupo IV de persoal laboral fixo da Xunta de Galicia