A Dirección Xeral da Función Pública recibiu do Xulgado do Contencioso- Administrativo número 1 de Santiago de Compostela providencia pola que se admite a trámite o recurso contencioso-administrativo P.A. 689/2011, interposto por Manuel Deirós Pardo, contra a desestimación do recurso de reposición contra a Orde do 25 de abril de 2011 pola que se modifica a Orde do 4 de xullo de 2005, en virtude da cal se procedeu ao nomeamento como persoal laboral fixo da Xunta de Galicia dos aspirantes que superaron o proceso selectivo para o ingreso na categoría 100 (xefe de cuadrilla) do grupo III de persoal laboral fixo da Xunta de Galicia e se eleva a definitiva a proposta do tribunal dos novos aspirantes que superaron en cumprimento da Sentenza do 24 de febreiro de 2006 ditada polo Xulgado do Contencioso-Administrativo número un de Santiago de Compostela no procedemento abreviado 72/2005 e acumulado 281/2005.

En consecuencia, esta dirección xeral acordou nesta data, de conformidade co disposto no artigo 49 da Lei 29/1998, do 13 de xullo, reguladora da xurisdición contencioso-administrativa, a remisión do correspondente expediente administrativo ao referido xulgado. O que se notifica para xeral coñecemento de todas as persoas interesadas no procedemento, que son emprazadas para que poidan comparecer como parte nos autos no Xulgado do Contencioso-Administrativo número un de Santiago de Compostela no prazo de nove días, contados desde o seguinte ao da publicación desta resolución no Diario Oficial de Galicia.

Santiago de Compostela, 2 de febreiro de 2012.

José María Barreiro Díaz
Director xeral da Función Pública